Еўрапейскія чыноўнікі адмовіліся ад уключэння ў новы пакет санкцый супраць Расіі расійскага звадкаванага прыроднага газу (ЗПГ) з-за рознагалоссяў паміж урадамі і нявызначанасці адносна альтэрнатыў. Пра гэта піша Reuters са спасылкай на прадстаўнікоў Еўрапейскага саюза.
Чакаецца, што Еўрапейская камісія прапануе 17-ы пакет санкцый супраць Расіі да чэрвеня, хоць суразмоўцы Reuters адзначаюць, што праца над ім прасоўваецца вельмі павольна.
Апошні раз Еўракамісія абмяркоўвала магчымую забарону імпарту расійскага ЗПГ з урадамі ЕС у студзені падчас падрыхтоўкі 16-га санкцыйнага пакета.
Раней прэзідэнт ЗША Дональд Трамп неаднаразова заяўляў, што хоча, каб ЕС купляў больш амерыканскага газу. Паводле інфармацыі Reuters, у Брусэлі разглядаюць гэта як магчымы рычаг у перамовах, каб пераканаць Белы дом знізіць мытныя тарыфы.
Адзін з суразмоўцаў агенцтва расказаў, што Еўракамісія не хоча рызыкаваць стратай расійскага ЗПГ, каб не саступіць пазіцыі ў перамовах з ЗША. Акрамя таго, Еўракамісія і ўрады ЕС асцерагаюцца трапіць у новую залежнасць ад Злучаных Штатаў, якія з'яўляюцца трэцім па велічыні пастаўшчыком газу ў ЕС пасля Расіі і Нарвегіі, дадае Reuters.
Еўрапейскія чыноўнікі маюць намер прыняць новую дарожную карту адмовы ад расійскіх энергарэсурсаў да 2027 года. План павінны абвясціць у маі.
Еўрапейскія кампаніі з-за палітыкі Трампа могуць вярнуцца да супрацоўніцтва з «Газпрамам»
Лукашэнка хоча пабудаваць другую АЭС на патрэбы Расіі і акупаваных украінскіх тэрыторый. Але яго чакае сюрпрыз
«Рускія і амерыканцы пляскаюць у ладкі». Масква, Берлін і Вашынгтон абмяркоўваюць аднаўленне паставак сыравіны ў Германію на НПЗ «Раснафты»
Да канца года пад Мінскам адкрыюць завод па вытворчасці звадкаванага газу
Цяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента43
Каментары