Адміністрацыя Трампа прыгразіла адабраць у Гарварда права на прыём замежных студэнтаў
Міністэрства ўнутранай бяспекі ЗША патрабуе ад універсітэта да 30 красавіка прадаставіць «падрабязныя запісы» аб «незаконных і гвалтоўных дзеяннях» студэнтаў, якія навучаюцца ў Гарвардзе на падставе студэнцкай візы, піша Бі-бі-сі.
У адваротным выпадку Гарвард пазбавіцца права прымаць замежных студэнтаў.
У Гарвардзе распавялі CNN, што яны ведаюць пра патрабаванні, але прытрымліваюцца раней агучанай пазіцыі: універсітэт не будзе ахвяраваць сваёй незалежнасцю або адмаўляцца ад сваіх канстытуцыйных правоў.
Замежнікі, якія плануюць навучанне ў ЗША, павінны атрымаць візу класа F або M. Толькі навучальныя ўстановы, сертыфікаваныя для прыёму студэнтаў і ўдзельнікаў праграм абмену (SEVP), могуць выдаваць неабходныя для атрымання візы дакументы.
Міністэрства ўнутранай бяспекі кантралюе SEVP і можа адклікаць сертыфікацыю навучальнай установы.
У 2024—25 навучальным годзе ў Гарвардзе навучаліся 6793 замежныя студэнты; гэта крыху больш за 27% навучэнцаў і самы высокі паказчык з 2006 года. Паводле звестак студэнцкай газеты Harvard Crimson, з пачатку канфлікту ўніверсітэта з адміністрацыяй Дональда Трампа ў 12 студэнтаў і нядаўніх выпускнікоў візы былі адкліканыя.
Цяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента42
Каментары