Сілы абароны Эстоніі затрымалі каля вострава Аэгна танкер Kiwala, піша выданне Postimees. Гэта першы выпадак затрымання эстонскімі ўладамі судна ценявога флоту Расіі.
Камандуючы ВМС Эстоніі Іва Вярк паведаміў, што мэтай затрымання стала праверка дакументаў і юрыдычнага статусу судна.
У дэпартаменце паліцыі і памежнай аховы Эстоніі заявілі, што танкер Kiwala знаходзіцца пад санкцыямі Еўрасаюза, Канады, Швейцарыі і Вялікабрытаніі.
Выданне піша, што падчас затрымання стала ясна, што ў судна няма сцяга якой-небудзь дзяржавы, а таму яно не мае права на законнае плаванне. Праўда, пасля затрымання на судне давалі сертыфікат, што нібыта яно ходзіць пад сцягам Джыбуці, аднак прадстаўнік гэтай усходнеафрыканскай краіны паведаміў, што судна не лічыцца ў іх рэестры. Таксама адсутнічае інфармацыя пра ўладальніка танкера.
Паведамляецца, што капітан судна, грамадзянін Кітая, пайшоў на супрацоўніцтва з эстонскімі ўладамі. Астатнія 23 асобы, якія знаходзіліся на судне — верагодна, грамадзяне Маўрытаніі. Судна ішло з індыйскага порта Сіка ў расійскі порт Усць-Луга.
Паводле даных паліцыі і памежнай аховы Эстоніі, у апошні год у Фінскім заліве з'яўляецца ўсё большая колькасць суднаў без адпаведных дакументаў, што сведчыць пра больш шырокую актыўнасці расійскага «ценявога флоту ў абыход міжнародных санкцый».
ЗША ўпершыню ўвялі санкцыі супраць Кітая за куплю падсанкцыйнай нафты
ЗША разглядаюць змякчэнне столі цэнаў на расійскую нафту і зняцце санкцый з алігархаў
Пасля ўвядзення новых санкцый ЗША пастаўкі расійскай нафты ў Турцыю абваліліся ў 4 разы
Кадэбэшнік адпраўляў прастытутак у Фінляндыю, а цяпер арыстакрат. Як сям'я расійскіх шпіёнаў ператварылася ў еўрапейскіх магнатаў
Цяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента44
Каментары