Васкрасенскі: Буду прасіць, каб мяне ўзялі даверанай асобай Лукашэнкі на выбары-2025
Прапагандыст, які ў 2020-м збіраў подпісы за Віктара Бабарыку, агучыў свае планы на 2025 год.
У праграме «Скажінемолчі» на БТ Юрый Васкрасенскі расказаў, што хоча агітаваць за Лукашэнку на наступных выбарах.
«Я спадзяюся прыняць удзел у прэзідэнцкай кампаніі 2025 года ў якасці даверанай асобы Аляксандра Лукашэнкі. Прынамсі я буду прасіць, каб мне аказалі такі высокі гонар»,
— заявіў мужчына.
Васкрасенскі паразважаў, што цяпер у свеце крызіс і мы стаім на парозе новай сусветнай вайны.
«Зберагчы нашу краіну і ўвогуле рэгіён ад вайны могуць толькі супердасведчаныя палітыкі. Такіх палітыкаў у Беларусі акрамя прэзідэнта Лукашэнкі (пры ўсёй павазе да нашай палітычнай эліты) не існуе».
Васкрасенскі дадаў, што пакуль кіруе Пуцін, мусіць быць і Лукашэнка: «Прэзідэнт Пуцін будзе кіраваць Расійскай Федэрацыяй мінімум да 2030 года. Адзін з кітоў дабрабыту беларусаў з'яўляюцца цёплыя адносіны з Расійскай Федэрацыяй. У тым ліку на ўзроўні лідараў.
Таму, пакуль Пуцін з'яўляецца прэзідэнтам, Лукашэнка таксама павінен быць з ім у звязцы да 2030 года».
Васкрасенскі расказаў таксама, чаму прыкрылі яго «Круглы стол дэмакратычных сіл».
«Гэта праект замарожаны з прычыны яго неактуальнасці».
Будынак, дзе знаходзілася ўстанова, знеслі пад будаўніцтва станцыі метро «Камароўская».
«Я бачу ў гэтым пэўны сімвалізм. Палітычныя страсці ўлягліся. Практычна ўсе беларусы зразумелі, што маглі згубіць, а, адпаведна, сам праект страціў актуальнасць. Далей яго развіваць не мела ніякага сэнсу», — лічыць Васкрасенскі.
Цяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента44
Каментары
«Гэта праект замарожаны з прычыны яго неактуальнасці»
Цікава, што як сапраўдная шасцёрка, Васкрасенскі не ўдасканальвае, менавіта хто і на падставе менавіта чаго высвятліў неактуальнасць ягонага стала круглых дэмакратаў (насамрэч суполкі былых эканамічных махляроў на кручку гэбні), і хто менавіта прыкрыў яго.