Sud u Pieru pryhavaryŭ byłoha prezidenta Aljantu Umału i iaho žonku Nadzin Eredziju da 15 hadoŭ turemnaha źniavoleńnia za karupcyju, pryznaŭšy ich vinavatymi ŭ atrymańni płaciažoŭ ad brazilskaj budaŭničaj kampanii Odebrecht i ŭrada Vieniesueły dla finansavańnia dźviuch pieradvybarčych kampanij, paviedamlaje Bi-bi-si.
Umału ŭziali pad vartu ŭ zale suda paśla vyniasieńnia prysudu. Jaho žonku, jakaja nie prysutničała na pasiadžeńni, sudździa taksama zahadaŭ aryštavać, ale jana, jak vyśvietliłasia paźniej, paprasiła prytułku ŭ pasolstvie Brazilii ŭ Limie.
Umała, jaki zajmaŭ pasadu prezidenta z 2011 pa 2016 hod, u 2022 hodzie staŭ pieršym byłym lidaram Pieru, jaki paŭstaŭ pierad sudom u ramkach rasśledavańnia maštabnaha karupcyjnaha skandału vakoł Odebrecht, u iakim, pavodle dadzienych uładaŭ, taksama byli zamiešanyja inšyja eks-prezidenty.
Ałan Hrasija, jaki zajmaŭ pasadu kiraŭnika dziaržavy ŭ 1985—1990 i 2006—2011 hadach, skončyŭ žyćcio samahubstvam u 2019 hodzie, kali palicyja pryjšła jaho aryštoŭvać. Alechandra Taleda (prezident u 2001—2006 hadach) letaś pryhavaryli bolš jak da 20 hadoŭ turmy za atrymańnie šmatmiljonnych chabaraŭ.
Rasśledavańnie ŭ dačynieńni Piedra Pabła Kučynski, jaki zajmaŭ pasadu ŭ 2016—2018 hadach, praciahvajecca.
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta44
Kamientary