U Kramli dali zrazumieć, što Vašynhton vystupaje nie z tymi prapanovami

Zajava abnarodavana na nastupny dzień paśla taho, jak Bieły dom daŭ zrazumieć, što moža spynić svajo pasiarednictva pa Ukrainie pry adsutnaści prahresu, paviedamlaje «Ahienctva».

«Jak mnie ŭjaŭlajecca, kiraŭnictva amierykanskaj administracyi, uklučajučy prezidenta, jany razumiejuć pieršapryčyny kanfliktu. Ale taki antyrasijski fon stvorany za apošnija hady i navat dziesiacihodździ ŭ toj ža Amierycy, u toj ža Jeŭropie. I hety fon pieraškadžaje prasoŭvać całkam razumnyja idei, ź jakimi byccam by zhodnyja niekatoryja z kiraŭnikoŭ, u tym liku ŭ Vašynhtonie», — skazaŭ Ušakoŭ, adkazvajučy na pytańnie pra situacyju na linii frontu ŭ intervju žurnalistu kramloŭskaha puła Paŭłu Zarubinu.

Hety ŭryvak intervju byŭ apublikavany 19 krasavika, adnak Zarubin adznačyŭ, što videa było zapisana ŭ čaćvier, 17 krasavika.

Zajava Ušakova prahučała na fonie adrazu dźviuch zajaŭ, što śviedčać pra toje, što Vašynhton stračvaje ciarpieńnie.

U piatnicu dziaržaŭny sakratar Marka Rubia skazaŭ, što ZŠA mohuć admovicca ad pieramoŭ ab spynieńni ahniu va Ukrainie praz «niekalki dzion», kali nie źjaviacca vidavočnyja prykmiety prahresu.

U toj ža dzień takuju ž zajavu zrabiŭ sam Donald Tramp: «U nas niama kankretnaj kolkaści dzion na hetuju zadaču. Ale my chočam zrabić usio heta chutka. Kali pa jakoj-niebudź pryčynie adzin z bakoŭ vielmi ŭskładnić praces — my admovimsia ad hetaj zadačy».

Paśla hetaha ŭ Bloomberg z roźnicaj u niekalki hadzin źjavilisia dźvie ŭciečki, ź jakich vynikała, jakija bonusy moža atrymać Maskva ŭ vypadku, kali vajna va Ukrainie budzie spyniena.

Ź pieršaj uciečki vynikała, što ZŠA pradstavili sajuźnikam u Paryžy prapanovy pa mirnym urehulavańni, jakija praduhledžvali źmiakčeńnie sankcyj suprać Maskvy ŭ vypadku doŭhaterminovaha spynieńnia ahniu. Zhodna z druhoj uciečkaj, ZŠA hatovyja pryznać rasijski kantrol nad Krymam u miežach bolš šyrokaha mirnaha pahadnieńnia pamiž Maskvoj i Kijevam.

Heta mienš, čym damahajecca Maskva. Ź siaredziny minułaha hoda Uładzimir Pucin i Siarhiej Łaŭroŭ kažuć pra nieabchodnaść pryznańnia rasijskaha kantrolu nad piaćciu anieksavanymi rehijonami Ukrainy ŭ miežach ich administracyjnych miežaŭ.

Na minułym tydni Reuters paviedamlaŭ, što śpiecpasłańnik ZŠA Styŭ Uitkaf havaryŭ Donaldu Trampu, što samy chutki sposab spynić vajnu — addać Maskvie kantrol nad ukrainskimi abłaściami, ab anieksii jakich zajaŭlała Rasija.

Na hetym tydni ŭ intervju The Wall Street Journal Uitkof skazaŭ, što na pieramovach z Pucinym rasijski prezident byŭ «zacykleny» na ŭkrainskich terytoryjach i što Rasija moža atrymać niekatoryja vobłaści, ale nie ŭsie.

• 0
• 0
• 1
• 4
• 0
• 0
• 0
• 0