15 krasavika ŭ Krakavie byŭ znojdzieny niežyvym 50-hadovy biełarus z Rečycy — Siarhiej Dubinin. Jaho cieła z prykmietami hvałtoŭnaj śmierci znajšli ŭ domie, dzie jon žyŭ, napisaŭ u svaim fejsbuku pravaabaronca Leanid Sudalenka.
«Uvieś pakoj — u kryvi, na padłozie nož, sam Siarhiej užo biez prykmiet žyćcia, u ahulnaj vannaj. Tak śćviardžaje jaho susied Alaksandr Ałmajeŭ, jaki pieršym ubačyŭ trahiedyju: «Ja ŭziaŭ kluč i zajšoŭ u dom. Usio było ŭ kryvi. Siarhiej lažaŭ u nienaturalnaj pozie, užo chałodny…», — napisaŭ jon.
Chutkaja dapamoha kanstatavała śmierć, palicyja raspačała rasśledavańnie. Pakul nieviadoma, što mienavita adbyłosia — hvałtoŭnaja śmierć ci suicyd.
«Siarhiej byŭ aktyŭnym i nieabyjakavym čałaviekam, udzielničaŭ u hramadskim žyćci, byŭ niezaležnym naziralnikam za vybarami ŭ Rečycy. Padčas prezidenckaj kampanii 2020 hoda źbiraŭ podpisy ŭ kamandzie alternatyŭnaha kandydata. Paśla byŭ vymušany źjechać, pracavaŭ u Polščy na budoŭli. U studzieni Siarhiej razam z Alaksandram byli ŭ Vilni, my sustrakalisia jak ziemlaki, razmaŭlali, žartavali i ništo nie śviedčyła pra toje, što Siarhiej stamiŭsia žyć…», — dadaŭ Leanid Sudalenka.
-
«Baimsia, što jaje nie vypuściać ź Biełarusi». Baćki minskich padletkaŭ raskazali, jak škoły kantralujuć płany pastupleńnia ich dziaciej
-
«Čałaviek, zaniaty lubimaj spravaj, nie stareje». Biełarus robić u Polščy rycarskija daśpiechi pa 15 tysiač jeŭra
-
«Zachvareŭ? Idzi ŭ chram». Andrej Lemiašonak raskazaŭ, jak zaražaŭ ludziej na Vialikdzień 2020 hoda
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta20
Kamientary