U Finlandyi pryncypova nie buduć pakazvać matč svajoj zbornaj sa zbornaj Biełarusi
Žanočaja zbornaja Finlandyi pa futbole zaŭtra maje zhulać suprać zbornaj Biełarusi ŭ Lizie Nacyj. Miascovaja teleradyjokampanija Yle nabyła pravy na pakaz usich matčaŭ, ale heta vyrašyła nie tranślavać z pryncypu. Inšyja matčy buduć tranślavacca ŭ zvyčajnym režymie.
Kiraŭnik spartyŭnaha partała Yle Urheilu Jose Pałanien zajaviŭ, što rašeńnie było pryniata adrazu paśla taho, jak stała viadoma pra skład hrupy Lihi Nacyj.
Heta ž tyčycca i mužčynskaj zbornaj Finlandyi pa futzale, jakoj taksama vypała hulać suprać Biełarusi ŭ kvalifikacyi na čempijanat Jeŭropy. Yle nie budzie tranślavać i hetyja matčy.
«Finlandyi nie pašancavała z žarabjoŭkaj. Biełaruś adchilena ad bolšaści mižnarodnych spabornictvaŭ, ale UEFA dazvoliła joj udzielničać. My pavinny byli vyrašyć, ci budziem pakazvać hetyja matčy. Na naš pohlad, zaraz nie čas, kab Biełaruś mahła pradstaŭlać svaju krainu ŭ takich umovach», — kaža Pałanien.
Jon dadaŭ, što ni Futbolnaja asacyjacyja Finlandyi, ni žanočaja zbornaja nie chacieli hulać suprać Biełarusi. Adnak bajkot moh by pryvieści da straty ačkoŭ i inšych sankcyj.
Futbolnaja asacyjacyja, pa słovach Pałaniena, pastaviłasia da hetaha rašeńnia z razumieńniem.
Pry hetym jon pryznaje, što situacyja składanaja, bo Yle niaredka pakazvaje spartyŭnyja spabornictvy z prablemnych krain. Ale tut, jak śćviardžaje Jose Pałanien, situacyja vyklučnaja, bo «naš susied viadzie ahresiŭnuju vajnu, a Biełaruś — jaho sajuźnik».
«Kožny moža mieć svaju dumku nakont našaha rašeńnia, ale my pavinny prymać takija rašeńni. My staranna ŭsio ŭzvažyli. Heta vielmi vyklučnaje rašeńnie, ale i situacyja takaja ž», — padkreślivaje jon.
Hulniu, adnak, možna budzie pahladzieć na jutub-kanale Futbolnaj asacyjacyi Finlandyi. U toj ža čas hetaja asacyjacyja pieraniesła prablemny chatni matč za miežy svajoj krainy. Hulnia projdzie 4 krasavika ŭ italjanskim Miłanie.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža24
Kamientary