Продажы так званых «зялёных» аўтамабіляў у Беларусі ў 2024 годзе выраслі на неверагодныя 752%. Але «чыстых» электрамабіляў сярод іх, на жаль, няшмат — прыблізна 10%. Пра гэта паведамілі прадстаўнікі Аўтамабільнай асацыяцыі БАА на прэс-канферэнцыі ў Мінску 15 красавіка, піша Office Life.
Усяго ў 2024 годзе ў Беларусі прададзены 3641 аўтамабіль з электрарухавіком. Але 90% продажаў прыпала на паслядоўныя гібрыды. Напрыклад, у топ-3 продажаў аказаліся два такія аўтамабілі — Voyah Free (прададзена 2282 машыны) і Nissan X-Trail E-Power (619 шт.).
Для параўнання: замыкаючы топ-3 у гэтым сектары, але паўнавартасны электрамабіль FAW Bestune NAT у Беларусі за год прададзены толькі ў колькасці 245 штук.
Як вядома, у лютым стаўкі ўтыльзбору для гібрыдаў у Беларусі павялічыліся ў 43 разы і для асноўнай масы аўтамабіляў такога тыпу, што прадаюцца ў нас, перавысілі $7 тыс. Калі пастаўшчыкі распрададуць запасы, такія аўто моцна падаражэюць або ўвогуле сыдуць з рынку, кажуць эксперты.
«Асобная мая думка такая: наша краіна і, у прыватнасці, наш горад — гэта тэрыторыя, ідэальна прыдатная для маленькіх кампактных электрамабіляў. Дарагія прэміяльныя гібрыды маюць права на жыццё, як усё, што абраў спажывец. Але наўрад ці варта траціць грошы падаткаплацельшчыкаў на стымуляванне продажаў падобных аўтамабіляў», — пракаментаваў кіраўнік БАА Сяргей Варывода.
Дарэчы, у сакавіку 2024 года продажы большасці аўтамабіляў, у тым ліку «зялёных», прыкметна ўпалі. А рынкавая доля Belgee і Lada дасягнула 81,5%, хоць у мінулым годзе на гэтыя два брэнды прыпадала 75% рынку.
Цяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента40
Каментары
все плюсы электро в гибриде сводятся к нулю.
смысл электро в простоте конструкции, уменьшении количества обслуживаемых частей, уменьшению вращающихся/трущихся частей, уменьшению нагрева от сжигания. ни тебе коленвалов/распредвалов, вкладышей, сальников, клапанов, фильтров, десятка датчиков, контроллеров, вечно прогорающей выхлопной, которая стоит безумных денег.
а в гибриде все это как было, так и осталось, плюс тяжеленная батарея, плюс электродвигатель.
а в чем профит? абсолютно тупиковая ветвь развития.