Свет88

Урад Польшчы ўхваліў стратэгію супрацьдзеяння нелегальнай міграцыі. Сталі вядомыя новыя дэталі

Польскі ўрад на пасяджэнні 15 кастрычніка ўхваліў міграцыйную стратэгію на 2025—2030 гады, якая, сярод іншага, прадугледжвае прыпыненне права на прытулак для мігрантаў і механізмы для вяртання дыяспары. Пра гэта паведаміла выданне money.pl, якое азнаёмілася з тэкстам стратэгіі, піша «Еўрапейская праўда».

Фота: AP Photo/Agnieszka Sadowska, File

Дакумент пад назвай «Комплексная і адказная міграцыйная стратэгія Польшчы на 2025-2030 гады» мае больш за 30 старонак і складаецца з васьмі раздзелаў. У іх разглядаюцца такія пытанні, як права мігрантаў на прытулак, доступ да рынку працы і інтэграцыя.

Стратэгія, як піша money.pl, прадугледжвае ўмацаванне памежнай інфраструктуры і наданне памежнікам і паліцыі магчымасцяў «больш эфектыўна супрацьдзейнічаць перамяшчэнню людзей праз тэрыторыю Польшчы». Для каардынацыі міграцыйнай палітыкі прапануецца стварыць асобны орган улады.

Змены ў стратэгіі тычацца візавай палітыкі — яна павінна стаць больш выбарачнай, каб паменшыць колькасць уездаў для іншаземцаў, і стварэння нацыянальнай праграмы вяртання іншаземцаў, чыя прысутнасць у Польшчы была б «неапраўданай або непажаданай».

Што ж тычыцца іншаземцаў, якія ўсё ж трапляюць у Польшчу, то стратэгія прапануе вызначаць іх статус у залежнасці ад ступені іх інтэграцыі. Інтэграцыя будзе абавязковая і для іншаземцаў, якія атрымліваюць прытулак па гуманітарных меркаваннях.

З тэксту, які прыводзіць money.pl, пацвярджаецца агучанае раней прэм'ерам Польшчы Дональдам Тускам палажэнне аб магчымым прыпыненні права на прытулак у выпадку «пагроз гібрыдных дзеянняў» і ў дачыненні да іншаземца, «у дачыненні да якога ёсць падставы лічыць яго пагрозай для грамадства дзяржавы, якая яго прымае».

Дадаткова, піша выданне, Польшча хоча істотна перагледзець працоўную міграцыю, узмацніўшы крытэрыі для дазволу іншаземцам прыязджаць для працы, і зрабіць больш строгімі патрабаванні для выдачы дазволаў на навучанне ў польскіх ВНУ.

Асобна ўдакладняецца, што для шэрагу краін, у тым ліку і Беларусі, умовы працаўладкавання іншаземцаў пакуль не мяняюцца, але не выключаны іх перагляд з 2025 года.

Будуць таксама больш строгімі патрабаванні для атрымання польскага грамадзянства: будзе ўведзены «грамадзянскі тэст», спатрэбіцца веданне польскай мовы. Перагледзяць і працэдуры надання статусу рэпатрыянта і «карты паляка», піша money.pl.

У Еўракамісіі раней заявілі, што намеры Польшчы ў аднабаковым парадку адмаўляць у наданні прытулку мігрантам пагражаюць парушэннем абавязацельстваў краіны ў галіне правоў чалавека.

Пасля гэтага Туск заявіў, што бяспека польскай мяжы не будзе прадметам перамоваў.

Каментары8

  • Літр атраманту
    16.10.2024
    Як бы не аказалася, што зноў шарахне па беларусах, а не па бадзёрых хлопцах з лясоў на ўсходняй мяжы. Хлопцы тыя ў польскія ВНУ не шчэмяцца і дазволаў на працу не просяць...
  • Лютавер
    16.10.2024
    Польша мигрантам нафик не упала. Любят поляки щеки надувать и строить из себя что-то значимое. Мигрантам только надо проехать Польшу насквозь и все.
  • Алесь
    16.10.2024
    [Рэд. выдалена]

Цяпер чытаюць

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента35

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента

Усе навіны →
Усе навіны

«Муж забраў у закладнікі маіх котак». Дызайнерка Вольга Кардаш — пра развод з мужам, уласную краму і самага стылёвага беларуса8

Як правільна фарбаваць яйкі на Вялікдзень

У Расіі 19-гадовай дзяўчыне далі тры гады за верш Шаўчэнкі 14

У пятніцу ў Беларусі было +28°С

Многім беларусам за мяжой пастаянна сніцца гэты кашмар. Што рабіць?16

Трамп сказаў, што добра ідуць перамовы з Кітаем3

Памёр Фёдар Жыляк

Трамп: ЗША адмовяцца ад удзелу ў перамовах, калі Расія ці Украіна сарвуць здзелку14

Сілавікі злавілі 20-гадовую мінчанку, якая вяла эратычныя стрымы з прымерачных у крамах20

больш чытаных навін
больш лайканых навін

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента35

У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента

Галоўнае
Усе навіны →

Заўвага:

 

 

 

 

Закрыць Паведаміць