Аўстрыйскі Raiffeisen Bank сур'ёзна нарасціў прыбытак у Беларусі
Пры гэтым банкаўская група працягвае перамовы па продажы Прыёрбанка.
Чысты прыбытак аўстрыйскай фінансавай групы RBI ў першым паўгоддзі 2024 года склаў 71 млн еўра. Ён павялічыўся на 28,1% у параўнанні з аналагічным перыядам мінулага года.
Прычым большая частка прыбытку — 42 млн — прыпала на другі квартал, заўважыў Myfin.
Для параўнання, у першым паўгоддзі прыбытак даччыных падраздзяленняў RBI ў Расіі павысіўся ўсяго на 2,8% да 705 млн еўра.
Чысты працэнтны даход бізнэсу RBI ў Беларусі за паўгода павялічыўся на 14,7% да 54 млн еўра, а аперацыйны прыбытак — на 15,2% да 136 млн еўра.
У справаздачы кампаніі гаворыцца, што RBI працягвае весці перамовы аб продажы сваёй беларускай «дачкі» Прыёрбанка. У лютым група абвясціла пра тое, што абмяркоўвае з кампаніяй Soven 1 Holding Limited з ААЭ продаж долі ў банку ў памеры 87,74%.
Агульны кансалідаваны прыбытак групы RBI за першае паўгоддзе павялічыўся на 7,3% да 1,324 млрд еўра, а чысты прыбытак — на 8,2% да 1,436 млрд еўра.
Цяпер чытаюць
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа29
Каментары