У кожнага чалавека існуе розніца паміж яго біялагічным узростам і ўзростам псіхалагічным. Як зрабіць так, каб мы адчувалі сябе маладзейшымі за сваіх аднагодкаў?
Даследаванні паказваюць, што адчуванне сябе маладзейшым за свой фізічны ўзрост стварае абарончае сілавое поле ад стрэсу, станоўча ўплывае на паводзіны і дапамагае захаваць псіхалагічны і фізічны дабрабыт.
Вядома, што многае залежыць ад тэмпераменту, характару, псіхічнай устойлівасці. Але ёсць прыёмы, якія незалежна ад нашых псіхалагічных уласцівасцей дапамогуць адчуваць сябе значна лепш.
Адзін з важных фактараў — гэта сацыяльная актыўнасць. Сябры і добрыя знаёмыя, сустрэчы, прагулкі, паходы ў краму, падарожжы, узаемападтрымка павышаюць пачуцце сацыяльнай уключанасці, значна зніжаюць рызыку ўзнікнення дэпрэсіі.
Акрамя правільнага харчавання і фізічнай актыўнасці, важнае значэнне ў працэсе запавольвання старэння адыгрывае змена звычак. Выхад з «зоны камфорту» дапаможа актывізаваць разумовую дзейнасць, таму важна перыядычна займацца нечым новым для сябе — напрыклад, авалодваць новым рамяством, пачаць вывучаць мовы ці гуляць у новыя настольныя гульні.
Прапануем некалькі прыёмаў, якія пры рэгулярным прымяненні актывізуюць мазгавую актыўнасць і ўплываюць на ваш псіхалагічны стан.
Паспрабуйце змяніць сваю галоўную руку
Калі вы ўвесь час карыстаецеся правай рукой, то перакладзіце лыжку ў левую, трымайце ёй кубак з напоем, паспрабуйце карыстацца мышкай пры працы за кам'ютарам ці навучыцеся пісаць левай рукой.
Больш гуляйце
Для прагулак старайцеся выбіраць новыя маршруты, наведваць куточкі, дзе даўно не былі. Пры гэтым адзначайце змены, што адбыліся вакол, і старайцеся заўважаць цікавыя дэталі.
Трэніруйце памяць
Старайцеся запамінаць спіс таго, што трэба купіць, і звяртацца да яго толькі ў крайнім выпадку. Успамінайце мінулыя падзеі, сустрэчы, абставіны, выгляд месца, эмоцыі. Па магчымасці дзяліцеся ўспамінамі з іншымі. Пачніце весці дзённік, запісваць падзеі дня, апісваць месцы, што наведалі, сустрэчы і купленае.
Поспех будзе залежаць ад рэгулярнасці практыкаванняў. Лепш пачаць адразу, не адкладваючы на заўтра.
Чытайце яшчэ:
Прафесар Іван Данілаў: Мне паведамілі, каб забраў свае кнігі з усіх кнігарань
Цяпер чытаюць
У Полк Каліноўскага на тыдзень пралез міліцэйскі стукач. Цяпер яго выкрылі, і добра відаць, хто спрабуе абяліць агента40
Каментары
Будьте «как дети», «ибо таковых есть Царствие Божие»