Jakija abjekty ŭ śfiery adukacyi, sportu i haradskoj haspadarki ŭźviaduć u Minsku, raskazali Minsk-naviny.
U horadzie budujuć čatyry škoły i stolki ž daškolnych ustanoŭ. Kali ŭsio pojdzie pavodle płana, mnohija ź ich adznačać navasielle ŭžo sioleta.
Na vulicy Tajožnaj
U miežach vulic Vaŭpšasava — Klučavoj — Tajožnaj uzvodziać trochpaviarchovy dziciačy sad, raźličany na 12 hrup dla dzietak ad 3 da 7 hadoŭ. Jon budzie z basiejnam, univiersalnaj i spartyŭnaj załami, pamiaškańniami dla tvorčaści i inšymi karysnymi funkcyjami. Źviartaje na siabie ŭvahu i źniešni vyhlad sadka: zhodna z rendaram, čakajecca šmat škła, a značyć, i śviatła. Jarkija farby na fasadzie nadaduć budynku kałarytu.
Budoŭla pačałasia letam 2024 hoda, ale joj papiaredničaŭ składany padrychtoŭčy pieryjad z vynasam sietak i padrychtoŭkaj placoŭki. Pakolki na takija abjekty zvyčajna sychodzić kala hoda, zaviaršeńnia možna čakać u druhoj pałovie 2025-ha.
Na vulicy Fohiela
Dakładniej, u miežach praśpiekta Niezaležnaści — vulic Fohiela — Hurćjeva ŭzvodziać dziciačy sad na 230 miescaŭ z basiejnam. Na hetaj placoŭcy praces prasunuŭsia dalej: budynak užo ŭźviedzieny, iduć unutranyja raboty. Jašče da Novaha hoda, pakul dazvalała nadvorje, budaŭniki zajmalisia uciapleńniem fasada i navat krychu dobraŭparadkavali terytoryju. Zvonku sadok upryhožać «abjomnyja» hieamietryčnyja fihury, byccam vycisnutyja trafaretam na ścienach. Vialikaja vierahodnaść, što ŭ 2025 hodzie pa hetym adrasie adbudziecca navasielle.
Na vulicy 50 hadoŭ Pieramohi
Dziciačy sad uzvodziać u žyłym rajonie Uschodni na vulicy 50 hadoŭ Pieramohi. Raboty startavali ŭ pačatku 2024 hoda, uvieści abjekt u ekspłuatacyju płanujuć u 2025-m. U rajonie nazirajecca deficyt miescaŭ u daškolnych ustanovach — novaja ŭstanova pryjdziecca darečy.
Minsk-Śviet
Tut budaŭniki adrazu dvuch trestaŭ pracujuć nad dźviuma siarednimi škołami. Adna ź ich, raźličanaja na 1 056 miescaŭ, z basiejnam, ciram i vialikaj spartyŭnaj zonaj, budujecca ŭ kvartale № 20 Budtrestam № 35. U svaju čarhu Budtrest № 4 uzvodzić škołu ŭ 16-m kvartale, u miežach vulic M. Savickaha — Brackaj — Ž. Ałfiorava. Ustanova zmoža pryniać 1 020 vučniaŭ. Dla ich praduhledžany i asobna stajačy basiejn, jaki na ŭzroŭni druhoha paviercha złučać sa škołaj piešachodnaj halerejaj. Vonkavy vyhlad navučalnaj ustanovy architektary zadumali z vyraznaj adsyłkaj da suprematyzmu Kazimira Maleviča — na fasadach lohka paznajucca jarkija hieamietryčnyja fihury.
Akramia basiejna ź dźviuma čašami (vialikaja i maleńkaja), u škole buduć mahutny spartyŭny błok, pamiaškańni dla hurtkovaj dziejnaści, kanfierenc– i aktavaja zały, a taksama školny muziej.
Raboty na abodvuch abjektach jašče šmat, ale jość haradskoje zadańnie ŭvieści abiedźvie navinki ŭ ekspłuatacyju ŭžo sioleta.
U žyłym rajonie Sokał
Tut uzvodzicca jašče adna škoła. Pavodle infarmacyi Kamiteta budaŭnictva i inviestycyj Minharvykankama, asnoŭnyja raboty zavieršacca ŭ 2025 hodzie. Raście budynak siaredniaj škoły i ŭ Smalavičach.
Sport
U Łošycy, na vulicy Ja. Łučyny, paśla kansiervacyi adnaviłasia budaŭnictva fizkulturna-azdaraŭlenčaha kompleksu. U im buduć try basiejny dla darosłych i dziaciej, vanny dla hidramasažu, roznyja vidy łaźniaŭ, salany pakoj i kupiel. U kompleksie taksama raźmieściacca trenažornaja zała, šmatfunkcyjanalnaja spartyŭnaja zała i mini-kafe. Interjery vykanajuć u ekałahičnym styli. Upryhožańniem FAK stanie mini-sažałka z rybkami, a ŭ faje raźmieściać vadaspad za škłom z padśvietkaj.
Anałahičny abjekt budujecca ŭ Kamiennaj Horcy, ale jaho zavieršać krychu paźniej. Akramia taho, u horadzie ŭzvodzicca niekalki FAKaŭ dla studentaŭ BDU i BDTU.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary