Vajskoŭcy zaŭčora naviali pantonny most u Biešankovičach, a ŭčora ź jaho ŭpaŭ i patanuŭ čałaviek
12 krasavika ŭ 16:40 biešankovickim ratavalnikam pastupiła paviedamleńnie pra patanułaha čałavieka ŭ race Zachodniaja Dźvina ŭ Biešakovičach.
U 16:35 u rajonie vulicy Savieckaj u race Zachodniaja Dźvina na adlehłaści kala 100 mietraŭ ad bieraha byŭ znojdzieny patanuły mužčyna 1970 hoda naradžeńnia.
Jak raspaviali vidavočcy, mužčyna išoŭ pa pantonnym moście i na siaredzinie raki ŭpaŭ ź jaho.
Z vady paciarpiełaha dastali vidavočcy i pieradali bryhadzie chutkaj miedycynskaj dapamohi. Miedyki kanstatavali śmierć mužčyny. Rabotniki MNS nie pryciahvalisia.
Što stała pryčynaj padzieńnia, nie paviedamlajecca.
Pantonny most u Biešankovičach, naviedzieny vajskoŭcami 30-j asobnaj čyhunačnaj bryhady, byŭ uračysta adkryty 11 krasavika.
Jaho daŭžynia — bolš za 150 m. Pieraprava budzie pracavać da zimy. Most pabudavali, kab dazvolić miascovym žycharam lahčej pierapraŭlacca cieraz raku. Bieź pierapravy ludziam davodzicca vykarystoŭvać łodki abo 100 kiłamietraŭ jechać u abjezd.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary