Za 2024 hod kolkaść mašyn na elektryčnych batarejach u asabistym karystańni biełarusaŭ vyrasła ŭ 3,2 raza. Tamu «Biełarusnafta» vyrašyła pastavić jašče 200 zaradak dla elektramabilaŭ.
Na 1 krasavika 2025 hoda ŭ Biełarusi zarehistravana 28,5 tysiač elektramabilaŭ. Pra heta raskazaŭ namieśnik hiendyrektara «Biełarusnafty» Andrej Kocik.
Pavodle jaho słoŭ, taki rost — nie vypadkovaść, a sistemnaja praca.
«Heta vynik pracy dziaržavy, uzajemasuviazi met, zadač, mier i prefierencyj halinovaha charaktaru: u enierhietycy, transpartnaj śfiery i inšych infrastrukturnych prajektach», — padkreśliŭ Kocik.
Ciapier u krainie pracujuć 750 zaradnych stancyj «Biełarusnafty», a da kanca hoda płanujuć dadać jašče bolš za 200. Jany buduć zabiaśpiečanyja ŭdaskanalenym abstalavańniem, jakoje nie tolki adpaviadaje sučasnym standartam, ale i ŭličvaje budučy rost mahutnaści i chutkaści zaradki elektrakaraŭ.
Kampanija taksama hatovaja da źjaŭleńnia elektrahruzavikoŭ — heta nastupny etap raźvićcia infrastruktury ad Malanka.
Z 1 krasavika padaražeje zaradka elektramabilaŭ
Brescki błohier pakazaŭ, jak kitajski elektrakar bačyć zdaniaŭ na mohiłkach VIDEA
«Nie chaču spansaravać Maska». Čamu biełarusy (nie) pradajuć svaje Tesla
Budučynia biełaruskaha elektramabila ŭ tumanie: «Mahiloŭliftmaš» i «Vymiaralnik» robiać zanadta darahija zapčastki
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary