Anžalika Mielnikava była adkaznaja za hranty dla «Kibierpartyzanaŭ»
Na rachunku fondu Białoruś Liberty, jaki ŭ kancy 2022 hoda zasnavała źnikłaja śpikierka Kaardynacyjnaj rady Anžalika Mielnikava, zaviśli «niekalki dziasiatkaŭ tysiač dalaraŭ», što naležać hrupoŭcy «Kibierpartyzany», paviedamiła «Biełsatu» pradstaŭnica «Kibiepartyzanaŭ» Julijana Šamietaviec.
«Heta byli finansy na dapamohu «Kibierpartyzanam». Naprykład, my tudy atrymlivajem hrant na raźvićcio «Partyzanskaha Telehramu». Atrymlivali hrant na mieniedžmient i raźvićcio bazaŭ źviestak, analiz źviestak», — zajaviła Šamietaviec.
Jana taksama ŭvachodziła ad «Kibierpartyzanaŭ» u naziralnuju radu hetaha fondu, ale kaža, što pra prablemy z dostupam da rachunkaŭ Kaardynacyjnaj rady ničoha nie viedaje, bo Mielnikava infarmacyjaj pra hetyja hrošy nie dzialiłasia, choć i była pavinna.
«Ja nie viedaju nakont anijakich hrantaŭ dla KR. Kali jany byli, to Anžalika mnie nie paviedamiła, chacia pavinna była», — zajaviła Šamietaviec u kamientary «Jeŭraradyjo».
U toj ža čas raniej z Anžalikaj Mielnikavaj prynamsi ŭ «Kibierpartyzanaŭ» supraca składvałasia bieskanfliktna:
«Raniej anijakich prablem nie było, jana vielmi detalova, adkryta i prafiesijna viała našyja hranty».
Ci ŭdasca ciapier vyciahnuć z fondu źnikłaj Mielnikavaj toje, što naležyć «Kibiepartyzanam», Šamietaviec nie viedaje — pakul što z usim raźbirajucca.
Pra źniknieńnie śpikierki Kaardynacyjnaj Rady Anžaliki Mielnikavaj stała viadoma ŭčora ŭviečary. Pa apošniaj infarmacyi ad pravaachoŭnych orhanaŭ Polščy, u hety momant jaje miescaznachodžańnie, jak i miescaznachodžańnie jaje dočak, nie ŭstanoŭlena. Pa infarmacyi «Našaj Nivy», jana vylecieła z Varšavy samalotam u Łondan, paśla čaho śled žančyny zhubiŭsia. Jaje były muž Andrej Mielnikaŭ nibyta vyjechaŭ z Polščy ŭ Biełaruś.
Kaardynacyjnaja rada sprabuje daviedacca, ci byli na rachunak fondu Anžaliki Mielnikavaj pieraviedzienyja hrošy dla dziejnaści KR
Što viadoma pra dziaciej Anžaliki Mielnikavaj?
Łatuška: Miescaznachodžańnie Anžaliki Mielnikavaj i jaje dočak pakul nie vyśvietlena
Łatuška: Jość abmiežavańni śledstva. Ale Mielnikavu aktyŭna šukajuć
MUS Polščy: Anžalika Mielnikava znachodzicca za miežami Polščy ŭžo niekalki tydniaŭ
Paśla źniknieńnia śpikierki Mielnikavaj niama dostupu da rachunkaŭ Kaardynacyjnaj rady
U Kaardynacyjnaj radzie novy śpikier paśla źniknieńnia Anžaliki Mielnikavaj
«Ciapier ja na ŭkołach i antybijotykach». Apošniaje paviedamleńnie ad Anžaliki Mielnikavaj było pra ciažkuju chvarobu
Ciapier čytajuć
Biełaruska admoviłasia ad bjuci-pracedur i vyrašyła hod nie nabyvać adzieńnie i abutak. Jana raskazała navošta7
Kamientary