Śledčy kamitet pałochaje nastupstvami za śviatkavańnie Dnia Voli. Jak pravilna dziejničać u takoj situacyi, piša Mikoła Buhaj.
Chto jašče nie adkinuŭ iluzij, adkińcie. My majem biesčałaviečny režym, jaki isnuje na srodki Maskvy. Za hetyja hihanckija hrošy jany trymajuć hihanckija represiŭnyja struktury i prapahandyscki aparat. Takich pamieraŭ struktur kantrolu nad hramadstvam niama nidzie ŭ Jeŭropie — tolki ŭ Rasii i Biełarusi.
Jany ŭžo vykaranili biełaruskuju movu, jakaja była hałoŭnym, što adroźnivała biełarusaŭ ad inšych narodaŭ.
Jany źniščyli palityčnyja instytuty: u krainie niama parłamienta. U krainie niama niezaležnych sudoŭ, niezaležnych ŚMI — usich i ŭsio pryznačaje padkantrolny Maskvie prezident. U krainie navat likvidavanaja hramadzianskaja supolnaść — toje, što rasło źnizu.
U pryvatnyja pradpryjemstvy pa novym zakonie dyrektaraŭ buduć uzhadniać.
I ŭsio heta pad niadremnym vokam 60 tysiač kamier videanazirańnia, na našyja ž hrošy pastaŭlenych, jakija robiać luby pratest unutry krainy samaachviarnaściu ź niajasnym kancom. Zaraz ich zadača — zastrašyć i biełarusaŭ u Volnym śviecie, svajho rodu «kančatkova vyrašyć» biełaruskaje pytańnie.
«Nas bjuć i płakać nie dajuć» — pomniu hetyja słovy niemaładoj rabočaj ź Pinska na adnym sa strymaŭ «Radyjo Svaboda».
Łohika dziejańnia ŭ takoj situacyi jasnaja.
Jany honiać na svaje chakiei? Značyć, treba ŭchilacca ad pachodaŭ na ich.
Jany prymušajuć padpisvacca na «SB»? Chaj hetyja haziety visiać u tualetach.
Jany skalać zuby z nahody zakryćcia «Radyjo Svaboda»? Značyć, treba zmahacca, kab jano zastałosia pracavać.
Jany napadajuć na Cichanoŭskuju i Bajsoł? Značyć, hetyja ludzi i struktury narmalna vykonvajuć svaje zadačy.
Jany padchvalvajuć Trampa i Paźniaka? Značyć, hetyja ludzi robiać štości vyhadnaje im.
Tak i z Dniom Voli. Kožny biełarus nakryje stoł najlepšym biełym abrusam i pastavić na jaho kvietki ci kociki. A najbolšy honar i pavaha — tym, chto majuć mahčymaść i śmiełaść adznačyć jaho publična. Tak, nie ŭsie majuć, nie ŭsim varta ryzykavać. Ale, raz ad Dnia Voli tak pluščyć, tak krucić vorahaŭ Biełarusi — značyć, chvała rukam, jakija trymajuć ściah.
Inaŭhuracyju Łukašenki pastavili na Dzień Voli
Kali Amieryka zdradzić Ukrainie, śviet źmienicca niezvarotna
Što budzie ź Biełaruśsiu paśla razmovy Trampa i Pucina?
Čamu biełaruskija ŚMI pišuć pra dobraachvotnikaŭ stolki, kolki pišuć
«Jon na nastupny termin nie budzie abiracca». Słovy Łukašenki 26 studzienia analizuje Mikoła Buhaj
Ciapier čytajuć
U Połk Kalinoŭskaha na tydzień pralez milicejski stukač. Ciapier jaho vykryli, i dobra vidać, chto sprabuje abialić ahienta36
Kamientary
[Zredahavana]