«Dalaraŭ stolki, što choć piečku imi pali». Azaronak na kamieru spaliŭ kupiuru ŭ 1 dalar
Prapahandyst zajaviŭ, što rost kursu jaho nie chvaluje.
Prapahandyst STB Ryhor Azaronak na fonie padzieńnia biełaruskaha rubla vyrašyŭ rytualna spalić dalar.
Na videa, jakoje Azaronak apublikavaŭ u telehram-kanale, vidać, jak jon padpalvaje kupiuru naminałam 1 dalar.
«Jaki ŭžo dzień našyja i rasijskija źbiehłyja sprabujuć raźvieści paniku nakont dalara, kursu, aščadžeńniaŭ, valuty. Im mrojacca piensijanierki, jakija bjucca za zialonyja fanciki, i bai za apošni pačak hrečki na kasach.
Schadziŭ u abmieńnik. Nijakaj čarhi. Nijakich natoŭpaŭ. Dalaraŭ zavalisia. Nastolki, što choć piečku imi pali, spalvaj choć da Biełych nočaŭ. Što ja, ułasna, i zrabiŭ», — napisaŭ Azaronak.
Palić hrašyma piečku jon, praŭda, nie staŭ, abmiežavaŭšysia banknotaj najmienšaha naminału.
Svaju akcyju Azaronak pryśviaciŭ pamiaci Uładzimira Žyrynoŭskaha: jon spalvaje kupiuru pad słovy rasiejskaha palityka pra toje, što «dalar — heta brudnaja zialonaja papierka».
Nahadajem, što rost kursu dalara ŭ Biełarusi apošnim časam paskoryŭsia, na niadaŭnich tarhach jon dasiahnuŭ 3,533 biełaruskaha rubla. Niekatoryja banki pradajuć dalary ŭžo pa 3,69 i navat 3,7 rubla. Adnačasova padaje i rasijski rubiel, jaki apynuŭsia ŭ samym nižnim punkcie z pačatku poŭnamaštabnaj vajny i praciahvaje padzieńnie.
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary