Viačorka prakamientavaŭ słovy Jašyna pra toje, što Łukašenka mianiaje palitviaźniaŭ na detali dla samalotaŭ
Padčas niadaŭniaha vystupleńnia ŭ Vilni rasijski apazicyjanier Illa Jašyn zakranuŭ temu biełaruskich palitviaźniaŭ. «Jak mnie patłumačyli, jon litaralna abmieńvaje ludziej na detali dla samalotaŭ. U jaho prablema z «Biełavija», i jamu treba ramantavać samalot, jamu patrebnyja niejkija detali, jakija jon nie moža atrymać praz sankcyi», — skazaŭ jon. Franak Viačorka prakamientavaŭ «Našaj Nivie» hetu zajavu.
«Ja dumaju, Jašyn vykazaŭsia fihuralna. Maŭlaŭ, Łukašenka byŭ by hatovy abmianiać palitviaźniaŭ na źniaćcie sankcyjaŭ. Kaniečnie, abmien na detali dla samalota hučyć dziŭna i adarvana ad realnaści. Ale heta nie značyć, što nam nie treba sprabavać roznyja sposaby dla vyzvaleńnia palitviaźniaŭ», — adkazaŭ daradca Śviatłany Cichanoŭskaj.
Nahadajem, za niekalki chvalaŭ pamiłavańniaŭ na svabodu vyjšła 115 palitviaźniaŭ.
Što stała pryčynaj, dakładna nieviadoma. Prapahanda vystaŭlaje heta žestam humanizmu Łukašenki — ale pry hetym Viktar Babaryka, Maryja Kaleśnikava, Siarhiej Cichanoŭski, Mikoła Statkievič i niekatoryja inšyja palitviaźni bolš za hod znachodziacca ŭ režymie inkamunikada.
Jość viersija, što na režym nacisnuŭ Kitaj, kab toj narmalizavaŭ adnosiny z Polščaj — i kab nie vyzvalać tolki Andžeja Pačobuta (a hetaha patrabuje Polšča), Łukašenka vyrašyŭ adpuścić i niejkuju kolkaść palitviaźniaŭ. Inšaje mierkavańnie — što pierad vybarami rašyli krychu razradzić atmaśfieru napružańnia ŭ hramadstvie. Jašče adno — što zapuścić praces vyzvaleńnia viaźniaŭ prymusili sankcyi i hetym pasyłajucca sihnały Zachadu.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary