Łukašenka zajaviŭ pra źniščeńnie pavietranych celaŭ z Ukrainy nad terytoryjaj Biełarusi
Maŭlaŭ, adbyłosia heta ŭčora.
«Učora ŭ 18:10 chvilin siły VPS i vojskaŭ SPA Biełarusi byli pieraviedzienyja ŭ pavyšanuju bajavuju hatoŭnaść. Hatoŭnaść №1 u nas nazyvajecca. Dziažurnyja siły supraćpavietranaj abarony. Sprava ŭ tym, što (my padazrajom, što heta nie ŭ pieršy raz) Uzbrojenyja siły Ukrainy parušyli ŭsiakija praviły pavodzin i parušyli pavietranuju prastoru Respubliki Biełaruś. Na ŭschodnim napramku, zusim pobač ad nas u rajonie Kaściukovickaha rajona», — raspavioŭ siońnia Łukašenka.
Tamu siły SPA byli pryviedzienyja ŭ poŭnuju bajavuju hatoŭnaść na pierachop celaŭ. Ich było kala dziasiatka. Vylecieli samaloty, viertalot. I taksama srodki RSZA byli pieraviedzienyja ŭ pavyšanuju bajavuju hatoŭnaść.
«U 19 hadzin 4 chviliny na vyšyni paŭtara kiłamietra i dalokaści 6,5 km siłami supraćpavietranaj abarony było źniščana niekalki celaŭ nad terytoryjaj Biełarusi. Nočču i siońnia z ranicy adbyvajecca pošuk, što było źniščana. My padazrajom, što heta ŭdarnyja bieśpiłotniki. Parušyŭšy pavietranuju prastoru Biełarusi, lacieli z Ukrainy. Nad terytoryjaj Biełarusi my źniščyli celi. Astatnija byli pieradadzienyja (u nas adzinaje SPA z Rasijaj) Rasijskaj Fiederacyi», — dadaŭ Łukašenka.
Łukašenka raskazaŭ, što Ministerstvu abarony, Hienieralnamu štabu dadzieny daručeńni pravieści adpaviednyja mierapryjemstvy dla taho, «kab nadziejna harantavać biaśpieku dziaržavy».
«Navošta heta Ukrainie, ja nie razumieju. Nam treba razabracca. Ale my, jak ja kazaŭ, vyrazna vyznačalisia ź imi i daviali da ich hetuju infarmacyju, što biez adkazu lubyja pravakacyi nie zastanucca», — skazaŭ jon.
«Niepryjemna toje, što ŭkraincy, jak ja vas i papiaredžvaŭ šmat razoŭ, hetym samym pakazvajuć, što ni da jakoha miru jany nie hatovyja i praciahvajuć eskałacyju hetaj napružanaści. Dva dni tamu ataka na Kurskim napramku, dzie jany prasunulisia na niekalki dziasiatkaŭ kiłamietraŭ — 30-35 užo siońnia. Abkopvajucca tam. Nu i voś hetaja pravakacyja z metaj udaraŭ pa Rasijskaj Fiederacyi», — zajaviŭ jon.
«Heta lišni raz kaža pra toje, mužyki, što nam treba tut na ziamli pracavać nie pakładajučy ruk i davać adpaviednyja vyniki dla taho, kab paźbiehnuć taho, što adbyvajecca siońnia va Ukrainie», — reziumavaŭ Alaksandr Łukašenka.
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary