Šoŭmien Jaŭhien Bułka čakaje rejsa ŭ Izrail — tam zastaŭsia syn
Viadomy biełaruski šoŭmien Jaŭhien Bułka letaś pierajechaŭ u Izrail. Adnak u hetyja dni, kali tam pačałasia vajna, jon byŭ u Varšavie. I ciapier čakaje razam z žonkaj vyletu ŭ Tel-Aviŭ, dzie zastaŭsia syn.
«My dumali, što naša pajezdka zojmie maksimum try dni i pakinuli syna ź nianiaj. Ja tolki što atrymaŭ paviedamleńnie, što znoŭ laciać rakiety ŭ bok Tel-Aviva. Što ja mahu ciapier aceńvać. Sam u šoku. Tamu nie viedaju, što i skazać», — tłumačyć svoj emacyjny stan Jaŭhien Bułka.
Šoŭmien kaža, što dla mnohich heta šokavaja situacyja.
«Pišuć, što heta apieracyja rychtavałasia niekalki hadoŭ. Hety čas CHAMAS dbajna «pierakonvaŭ» Izrail, što jany nie bajazdolnyja, što masavaj apieracyi nie budzie pravodzić. U izrailskich ŚMI pišuć, što hetak usypili pilnaść, chacia, jakim čynam heta ŭdałosia zrabić, nieviadoma», — padsumoŭvaje Jaŭhien Bułka.
Izrail byŭ atakavany ź siektara Haza rakietami ranicaj 7 kastryčnika. Paśla bajeviki hrupoŭki CHAMAS pranikli ŭ niekalki pasieliščaŭ na terytoryi krainy. Jany stralali pa mirnych žycharach, brali zakładnikaŭ i zachoplivali vajskovuju techniku.
Izrail abviaściŭ ekstrannuju mabilizacyju i pačaŭ nanosić udary pa Hazie.
Na 9 kastryčnika armija evakujavała 15 z 24 pasieliščaŭ na miažy z Haza. Evakuacyja astatnich praciahniecca. Kantrol nad imi adnoŭleny, ale ŭ ich usio jašče mohuć zastavacca bajeviki.
Armija abarony Izraila mabilizavała 300 tysiač reziervistaŭ za 48 hadzin.
U vyniku napadu na Izrail zahinuła bolš za 700 čałaviek i bolš za 2,2 tysiačy atrymali ranieńni. U Paleścinie zajaŭlajuć, što ad udaraŭ izrailskaj armii zahinuła 436 čałaviek i blizu 2,3 tysiačy paranienyja.
«Naša Niva» — bastyjon biełaruščyny
PADTRYMAĆHladzicie taksama:
Šoŭmien Jaŭhien Bułka, jaki źjechaŭ u Izrail, tanna pradaje svoj zaharadny dom pad Łahojskam
-
Italjaniec pierajechaŭ u biełaruskuju viosku i pačaŭ piačy sapraŭdnuju picu na drovach
-
«90 čałaviek vyhnali pad piakučaje sonca i trymali tam try hadziny. Ja paŭtarała tolki adnu malitvu: niachaj im usio vierniecca»
-
Ci chopić sioleta €2000, kab adpačyć na mory? Što adbyvajecca z cenami na letni adpačynak
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary