Viarchoŭny sud likvidavaŭ Kansiervatyŭna-chryścijanskuju partyju
Pavodle infarmacyi z Adzinaha dziaržaŭnaha rehistra jurydyčnych asob i indyvidualnych pradprymalnikaŭ, palityčnaja struktura «znachodzicca ŭ pracesie likvidacyi» na asnovie rašeńnia Viarchoŭnaha suda ad 20 lipienia.
Raniej paviedamlałasia, što ŭ hety dzień adbudziecca pasiadžeńnie Viarchoŭnaha suda pavodle adpaviednaha pazovu Ministerstva justycyi. Pazoŭ musiła razhladać sudździa Valancina Kulik, jakaja znachodzicca pad sankcyjami Jeŭrasajuza.
Kansiervatyŭna-chryścijanskaja partyja — BNF była stvoranaja paśla raskołu Biełaruskaha narodnaha frontu ŭ 1999 hodzie. Jaje zasnavała taja častka siabroŭ raniej adzinaha BNF, jakaja zastavałasia viernaj stvaralniku Frontu Zianonu Paźniaku, jaki da taho času ŭžo try hady znachodziŭsia ŭ emihracyi. Aficyjna zarehistravana partyja była 28 lutaha 2000 hoda, i da sioletniaj rehistracyi praŭładnaj «Biełaj Rusi» heta byŭ apošni vypadak rehistracyi novaj palityčnaj partyi ŭ łukašenkaŭskaj Biełarusi. Inšym achvotnym heta zrabić Miniust paśladoŭna admaŭlaŭ, pieravažna z nadumanych pryčyn.
13 lipienia hetaha hoda 79-hadovy lidar KCHP-BNF Zianon Paźniak zajaŭlaŭ, što patrabavańnie abnoŭlenaha zakona «Ab palityčnych partyjach», zhodna ź jakim dla rehistracyi partyi nieabchodna nie adna tysiača, jak raniej, a piać tysiač členaŭ, «nievykanalnaje nie tolki ŭ Biełarusi, ale navat u Francyi».
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža31
Kamientary