Adzin z najbahaciejšych ludziej płaniety amierykanski inviestar Uoren Bafiet miarkuje, što ŭsie kryptavaluty «drenna skončać». Takoje mierkavańnie adzin z samych viadomych suśvietnych inviestaraŭ vykazaŭ u intervju CNBC.
«Što da kryptavalut, uvohule, ja mahu skazać dastatkova ŭpeŭniena, što jany drenna skončać. Kali i jak heta zdarycca - ja nie viedaju», — zajaviŭ kiraŭnik inviestfonda Berkshire Hathaway. Bafiet taksama zapeŭniŭ, što nikoli b nie staŭ hulać na fjučersach kryptavalut.
My nie kupili nivodnaj kryptamaniety, my nie hulajem na biržy, my nikoli nie adkryjem pazicyju na hetym rynku. U mianie časam uźnikajuć prablemy z aktyvami, u jakich ja chacia b niešta razumieju, navošta mnie šorcić ci ŭkładvacca ŭ toje, pra što ja ničoha nie viedaju», — padkreśliŭ Bafiet, jaki ŭpeŭnieny, što «nie zmoh by i pieni zarabić» na tarhach kryptavalutami.
Ciapier čytajuć
Jak skłaŭsia los vypusknikoŭ, jakimi žurfak hanaryŭsia 10 hadoŭ tamu? Historyja adnaho ŭračystaha kałaža30
Kamientary