«Ты разумееш, з кім размаўляеш? Яна каралева Маямі». Сабаленку паспрабавалі выгнаць з рэстарана ў Маямі
Першая ракетка свету Арына Сабаленка стала гераіняй роліка тыктокера, які вядомы сваімі гумарыстычнымі правакацыямі.
Арына Сабаленка аказалася ў няёмкай сітуацыі, калі абедала ў адным з рэстаранаў Маямі са сваім бойфрэндам Георгіясам Франгулісам і камандай.
Судзячы па роліку ў тыктоку, да стала, за якім абедала Сабаленка, падышоў хлопец і пачаў скандаліць.
Ён сказаў, што чакае менавіта гэты столік, таму тэнісістцы з сябрамі давядзецца сысці.
«Хлопец, супакойся. Чаму ты падышоў менавіта да гэтага стала?» — спытала здзіўленая Сабаленка. А малады чалавек звярнуўся да афіцыянтаў і сказаў ім загарнуць ежу, якая засталася на стале.
«Хлопцы, я не жадаю быць грубым. Іншыя людзі чакаюць гэты столік…» — заявіў ён.
Тут у размову ўмяшаўся бойфрэнд Сабаленкі, мільянер Франгуліс.
«Ты ўсведамляеш, з кім ты размаўляеш? Ты ведаеш, хто гэта? Яна каралева Маямі, першая ракетка свету», — сказаў бізнэсмэн. Хлопца гэта не ўразіла.
«Мне ўсё роўна, хто гэта. Я проста кажу. Я проста спытаў, ці можаце вы хутчэй», — сказаў незнаёмец.
Хлопец заявіў, што ведае ўладальніка і можа заняць гэты столік. Збянтэжаная Сабаленка, каб знізіць градус напружання, прапанавала незнаёмцу чыпсаў.
Малады чалавек аказаўся даволі папулярным тыктокерам European kid, у яго амаль два мільёны падпісчыкаў. Большасць яго відэа — гэта гумарыстычныя скетчы, у якіх ён імітуе наўмысна правакацыйныя паводзіны «дзіцяці багатых бацькоў» і правакуе незнаёмых людзей для кантэнту.
Цяпер чытаюць
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа5
Каментары
[Зрэдагавана]