Фрыдман: Уся гэтая рыторыка пра ўдзел Лукашэнкі ў перамовах ужо надакучыла ўкраінцам
Чаму лукашэнкаўскі рэжым настойвае на ўдзеле ў патэнцыйных перамовах па ўрэгуляванні канфлікту ва Украіне і якія тут магчымыя варыянты, разважае аглядальнік Аляксандр Фрыдман.
16 снежня 2024 года намеснік міністра замежных спраў Беларусі Юрый Амбразевіч заявіў, што Мінск хацеў бы ўдзельнічаць у патэнцыйных перамовах па ўрэгуляванні канфлікту ва Украіне.
Перспектывы ўдзелу рэжыму ў гэтых магчымых перамовах разглядаліся ў перадачы «Фрыдман, Палітыка», дзе размаўлялі гісторык і палітычны аглядальнік Аляксандр Фрыдман і журналіст Ілля Маліноўскі.
Суразмоўцы адзначылі, што афіцыйны Мінск пазіцыянуе сябе як зацікаўлены бок, які імкнецца да міру, і спрабуе прадставіць сябе ў ролі пасярэдніка або гаранта.
Аднак, як заўважыў Фрыдман, з боку Украіны і Захаду такое жаданне ўспрымаецца надзвычай скептычна. Прычына відавочная: Беларусь дала сваю тэрыторыю для расійскіх войскаў, і яе роля ў гэтым канфлікце не можа разглядацца як нейтральная або міратворчая.
«Уся гэтая рыторыка, якая зыходзіць ад Лукашэнкі і беларускага МЗС пра тое, што яны хочуць удзельнічаць у перамовах, відаць, украінцам надакучыла», — адзначыў Фрыдман. Сведчыць пра гэта нядаўняя рэакцыя ўкраінскай дыпламатыі, якая была даволі цвёрдай.
Нагадаем, што ўкраінскае МЗС у адказ на заяву Амбразевіча паведаміла, што беларускі рэжым можа прэтэндаваць хіба што толькі «на справядлівы разгляд у рамках працэсу па прыцягненні агрэсара і яго паслугачоў» да адказнасці.
У перспектыве пасляваеннага ўладкавання Еўропы тэарэтычна магла б узнікнуць дыскусія пра тое, хто будзе прадстаўляць Беларусь за сталом перамоваў — Лукашэнка ці дэмакратычныя сілы ў выгнанні (напрыклад, каманда Святланы Ціханоўскай).
«Калі такія перамовы адбудуцца, то Расія зробіць усё, каб у іх удзельнічаў Лукашэнка», — мяркуе Фрыдман. Але тут дадае:
«З іншага боку, на Захадзе, магчыма, будзе ўзнятае пытанне і пра ўдзел у такога роду перамовах дэмакратычнай Беларусі, Святланы Ціханоўскай і яе атачэння».
«Кампенсацыя за паразу ў Сірыі». Што стаіць за заявай Мядзведзева наконт «новых рэгіёнаў» Расіі
Фрыдман: Лёс Асада паказвае, што Лукашэнку «арэшнікі» не дапамогуць
Фрыдман: Эпоха ліберальнай дэмакратыі завяршаецца
Фрыдман: Пасля вайны ціск Масквы на Лукашэнку павялічыцца
Фрыдман: Лукашэнка разумее, што фізічна не паспее перадаць уладу Колю
Цяпер чытаюць
Як склаўся лёс выпускнікоў, якімі журфак ганарыўся 10 гадоў таму? Гісторыя аднаго ўрачыстага калажа12
Каментары