Za pieršy viasnovy miesiac aficyjnyja dylery ŭ Biełarusi pradali novych lehkavych aŭtamabilaŭ na 6,9% mienš, čym u lutym. Asabliva prykmietnym akazałasia źnižeńnie prodažaŭ «zialonych» aŭto — elektramabilaŭ i hibrydaŭ, paviedamili ŭ Aŭtamabilnaj asacyjacyi BAA.
Dola «zialonych» aŭtamabilaŭ u ahulnych prodažach u sakaviku skłała mienš za 12%, choć miesiac tamu jana dasiahała 12,6%.
«My źviazvajem heta ź źmienami ŭ umovach finansavańnia, jakija časova paŭpłyvali na pakupnickuju aktyŭnaść», — prakamientavaŭ člen praŭleńnia BAA, vykanaŭčy dyrektar aŭtamabilnaha chołdynha «Atłant-M» Siarhiej Samojła.
Pa vynikach I kvartała členami BAA ŭ Biełarusi było pradadziena 13 tys. novych lehkavych aŭtamabilaŭ. Za try miesiacy rynak u paraŭnańni z anałahičnym pieryjadam minułaha hoda vyras u 1,7 raza. Toje, što hety rost budzie zapavolvacca, u BAA prahnazavali jašče ŭ pačatku sakavika.
Jak paviedamlajecca, u sakaviku lidaram prodažaŭ pa-raniejšamu zastavaŭsia biełaruski brend Belgee. Choć jaho dola (sumiesna z prodažami Geely) źniziłasia z 48,3% da 42%. Druhoje miesca zajmaje LADA z dolaj 33%.
Možna vykazać zdahadku, što źnižeńnie prodažaŭ źviazana z padaražańniem bankaŭskich kredytaŭ, a taksama ź lutaŭskim pavyšeńniem stavak utylizacyjnaha zboru i zabaronaj «psieŭdavalutnaha» lizinhu dla fizičnych asob.
Ciapier čytajuć
Biełaruska admoviłasia ad bjuci-pracedur i vyrašyła hod nie nabyvać adzieńnie i abutak. Jana raskazała navošta1
Kamientary