Rubia pierakonvaje sajuźnikaŭ, što pieramovy z Rasijaj nie aznačajuć rezkaj źmieny ŭ realnaj palitycy ZŠA
U Vašynhtonie dali zrazumieć, što realnyja źmieny ŭ źniešniaj palitycy ZŠA adroźnivajucca ad publičnaj rytoryki Trampa.
Z aficyjnych zajaŭ Donalda Trampa i amierykanskich čynoŭnikaŭ moža skłaścisia ŭražańnie, što Vašynhton adviarnuŭsia ad Ukrainy i imkniecca naładzić partniorstva z Maskvoj. Adnak nieaficyjnyja krynicy ŭ Biełym domie śćviardžajuć, što realny pavarot u amierykanskaj palitycy nie taki istotny, piša «Ahienctva».
Uładzimir Zialenski moža adnavić dobryja stasunki z ZŠA, zajaŭlajuć krynicy Politico.
Rezkija vykazvańni Trampa pra Zialenskaha nie źviazanyja z prarasijskim pavarotam, a vyklikanyja nieprymańniem Kijevam prapanavanaj uhody ab pieradačy ZŠA dostupu da ŭkrainskich karysnych vykapniaŭ.
Amierykanskija čynoŭniki i respublikancy, nabližanyja da Trampa, nazyvajuć jaho zajavy prykładam taktyčnaj hulni na pieramovach.
Pavodle Reuters, Tramp choča zaklučyć damovu z Ukrainaj da taho, jak budzie pryniataje rašeńnie pra pavieličeńnie vajennaj dapamohi ci pasiarednictva ŭ mirnych pieramovach z Rasijaj. Dla jaho važna pakazać amierykanskim vybarščykam, što Vašynhton atrymlivaje ŭzamien niešta ad Kijeva.
Pieramovy pra ździełku praciahvajucca. Apošniaja viersija ŭličvaje piarečańni Zialenskaha — naprykład, z tekstu prybrana zhadka pra padparadkavańnie pahadnieńnia sudu ŭ Ńju-Jorku. Niekalki pamočnikaŭ ukrainskaha prezidenta pierakonvajuć jaho padpisać damovu.
Dziaržsakratar ZŠA Marka Rubia, praź niekalki hadzin paśla pieramoŭ z rasijskaj delehacyjaj u Er-Ryjadzie, zapeŭniŭ jeŭrapiejskich sajuźnikaŭ, što hetyja pieramovy nie aznačajuć radykalnaj źmieny palityki ZŠA, piša The New York Times.
Vašynhton nie budzie naviazvać Ukrainie i Jeŭropie nijakaje pahadnieńnie, zapeŭniŭ Rubia.
Sankcyi suprać Rasii nie buduć źniatyja, kali jaje pavodziny nie źmieniacca, choć mahčymyja niekatoryja pasłableńni. Amierykanskija čynoŭniki pryznali, što Kreml moža vykarystoŭvać pieramovy, kab raździalić Zachad.
Financial Times paviedamlaje, što padčas pieramoŭ u Er-Ryjadzie Vašynhton chacieŭ acanić surjoznaść namieraŭ Maskvy adnosna spynieńnia vajny. Uklučeńnie ekanamičnych i hieapalityčnych pytańniaŭ pavinna było pakazać Rasii mahčymyja pieravahi ad spynieńnia kanfliktu.
Ciapier čytajuć
Biełaruska admoviłasia ad bjuci-pracedur i vyrašyła hod nie nabyvać adzieńnie i abutak. Jana raskazała navošta7
Kamientary