«Ja pamiataju svoj šok, a mnie kažuć: «Złamali». Łukša raskazaŭ, jak zapisvali videa z Kastusiovym paśla vybaraŭ-2010
U novym vypusku TOKu były viadučy «Zony Ch» i były palitźniavoleny Dźmitryj Łukša padzialiŭsia svaimi ŭražańniami ad taho, jak chutka śpiecsłužby mohuć złamać čałavieka.
Dźmitryj Łukša zhadvaje, što byŭ reparcioram i aśviatlaŭ padziei «Płoščy-2010». Rankam nastupnaha paśla prezidenckich vybaraŭ dnia, 20 śniežnia 2010 hoda, jamu daviałosia zapisvać zvarot kandydata ŭ prezidenty Ryhora Kastusiova, jaki z palityka vybivali siłaviki.
«Pryvoziać Kastusiova. I ŭ mianie jašče pracuje naiŭnaść, niejkaje nierazumieńnie ŭ tym płanie, što ŭčora ja pracavaŭ na Płoščy. Nočču ja bačyŭ Kastusiova, jaki staić na trybunie i havoryć niejkija łozunhi. A tut jon pryjazdžaje i havoryć: «Tak, jak mnie lepiej stać? Ja zaraz dam intervju».
Ja pamiataju svoj šok. Što adbyvajecca? Ja zadaju pytańnie čałavieku, jaki jaho pryvioz: «Prabačcie, a jak tak?» I jon mnie całkam spakojna havoryć: «Złamali»,
— raskazvaje Łukša i dadaje, što dla jaho było vielmi dziŭnym nazirać, jak chutka čałaviek moža źmianicca.
Kastusioŭ tady zajaviŭ, što razhon Płoščy-2010 vyhadny Rasii, što ŭ pryncypie adpaviadała pazicyi Biełaruskaha narodnaha frontu, jaki jon pradstaŭlaŭ. Z časam Kastusioŭ adnaviŭ aktyŭnuju palityčnuju dziejnaść, uznačaliŭ BNF. U 2021 hodzie byŭ aryštavany za ŭdzieł u «zmovie», byŭ prysudžany da 10 hadoŭ źniavoleńnia. Za kratami ŭ Kastusiova vyjavili ankałohiju, jon vyjšaŭ pa pamiłavańni 3 lipienia 2024 hoda — u adzin dzień ź Dźmitryjem Łukšam, jaki taksama staŭ palitviaźniem.
***
Dźmitryj Łukša naradziŭsia ŭ 1989 hodzie. U kancy 2000-ch i pieršaj pałovie 2010-ch pracavaŭ na BT, byŭ viadučym «Zony Ch».
U 2020 zdymaŭ pratesty dla kazachstanskaha telekanała «Chabar». U 2022 byŭ aryštavany i prysudžany da 4 hadoŭ źniavoleńnia za ŭdzieł u demanstracyjach i «dyskredytacyju Biełarusi». Razam ź im była asudžanaja jaho žonka Palina Pałavinka. Adbyvaŭ pakarańnie ŭ kałonii ŭ Škłovie.
Vyzvaliŭsia 3 lipienia 2024 hoda pa pamiłavańni adnačasova z žonkaj, paśla čaho siamja źjechała ŭ Polšču.
Hladzicie całkam:
Kamientary
Tyja chto ačuniał padčas " 2020" ni viedajuć usiu padapleku 2010.
Ni viedajuć jak Ryhoru prapanavali 100t$ kab jen źniaŭsia na karyść ińšaha kandydata jakoha " padtrymlivała rf" .Kto zaklikaŭ da " šturma" jak pavodzili ińšyja ..
I nasamreč ničoha " suprać ińšych kandydataŭ" Ryhor ni kazaŭ... itamu byŭ abrany kiraŭnikom BNF znoŭ