Міністр замежных спраў Германіі: Украіне і наступным летам можа спатрэбіцца цяжкае ўзбраенне
Міністр замежных спраў ФРГ Аналена Бербак запэўніла, што ў выпадку неабходнасці Германія гатовая гадамі падтрымліваць Украіну ў яе барацьбе супраць расійскай агрэсіі. У тым ліку — пастаўкамі цяжкага ўзбраення, піша «Нямецкая хваля».
Фота: AP / Андрэй Краўчанка
«Вядома, я б хацела, каб вайна як мага хутчэй скончылася, але, на жаль, мы павінны зыходзіць з таго, што Украіне і наступным летам могуць спатрэбіцца новыя цяжкія ўзбраенні ад яе сяброў», — сказала Бербак у інтэрв'ю газеце Bild am Sonntag.
Яна дадала:
«Для мяне відавочна: Украіна абараняе і нашу свабоду, наш мірны парадак, і мы падтрымліваем яе фінансавымі і вайсковымі сродкамі. Да тых часоў, пакуль гэта неабходна».
Каментары