Biełarus raskazaŭ, jak novyja handlovyja taryfy ZŠA adbilisia na pracy jaho zavoda ŭ Techasie
«Mnie padałosia, što kanadcy prosta chočuć abarvać usie suviazi z amierykancami. Mnie daviadziecca zvalniać ludziej».
Biełarus Jahor, jaki viadzie svoj profil u tyktoku jak papa Jeha, pierajechaŭ u Amieryku vučycca, a zatym staŭ saŭładalnikam zavoda ŭ štacie Techas.
U svaim novym videa jon raskazaŭ, jak taryfy, jakija ŭviała Amieryka ŭ adnosinach šerahu krain, paŭpłyvali na jaho biznes.
Pa słovach Jahora, ich zavod zajmajecca prodažam aŭtamyjniaŭ dla vialikahabarytnych mašyn, aŭtobusaŭ, ciahnikoŭ. Niekalki takich myjniaŭ jany raniej pradali ŭ roznyja harady Kanady. Zavod taksama pastaŭlaje śpiecyjalnyja srodki dla myćcia mašyn.
Jak raskazvaje chłopiec, paśla ŭvodu taryfaŭ 25% na tavary z Kanady, paŭnočnaja dziaržava-susiedka adkazała tym ža.
«I voś my čarhovy raz źbirajemsia adpravić našu mašynu z chimijaj na miažu z Kanadaj. I tut nam zvonić klijent i kaža: «Usio, chłopcy, pa vašaj canie chimiju, to-bok vaša myła, my bolš kuplać nie budziem. My tut u siabie znajšli miascovaha pastaŭščyka. Pośpiechaŭ», — dzielicca Jahor.
Małady biznesmien raskazvaje, što razam z partniorami sprabavaŭ znajści sposab zachavać suviazi. Kanadskamu boku jany prapanoŭvali roznyja źnižki i pluški. Adnak tyja byli «vielmi kateharyčnyja i prosta skazali «nie».
Chłopiec dadaje, što padčas razmovy jamu padałosia, što kanadcy prosta chočuć abarvać usie suviazi z amierykancami. Vyhladała na toje, što jany vielmi mocna pakryŭdzilisia.
Pa słovach Jahora, da hetaha na praciahu apošnich 3-4 hadoŭ, jany pradavali ŭ Kanadu myjnych srodkaŭ na sumu kala 500 tysiač dalaraŭ. Ciapier ža ničoha nie zmohuć zarabić.
«Kali nievialikaje pradpryjemstva, padobnaje da našaha, hublaje pa 500 tysiač dalaraŭ na takich voś momantach, heta značyć, što mnie i astatnim kiraŭnikam treba budzie pačać zvalniać ludziej. A pakolki ja chłopiec niavopytny, i ŭ momantach zvalnieńnia ludziej vielmi adčuvalny, to dla mianie heta budzie vielmi składana», — dzielicca pradprymalnik.
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary
Nie žiełaju horieť potom v adu.