56-hadovaja žančyna pryjšła kaladavać i ŭkrała ŭ dziciaci kurtku. U vyniku za svoj nieabdumany ŭčynak joj daviałosia zapłacić u razy bolš, piša Belkagomel.by.
Incydent adbyŭsia 13 studzienia ŭ padjeździe adnaho z damoŭ na vulicy Hałavackaha, kudy pryjšła kaladavać kampanija dziaciej. U niejki momant dzieciam stała horača, jany źniali vierchniaje adzieńnie i pakinuli jaho na leśvičnaj placoŭcy.
Nieŭzabavie ŭ hety ž padjezd zajšła žančyna ŭ kaściumie adnaroha, jakaja supravadžała svaju 7-hadovuju ŭnučku-kaladoŭščycu.
Ubačyŭšy dziciačyja rečy, hamialčanka nie zmahła prajści mima, vybrała z kučki pryvabnuju kurtku i syšła. U vyniku dziaŭčynka, u jakoj prapała vierchniaje adzieńnie, vymušanaja była viartacca dadomu bieź jaho. Maci dziciaci źviarnułasia ŭ milicyju.
Razhadać złačynstva dapamahła zapis z kamiery nazirańnia, ustalavanaj na padjeździe.
— Sud pryznaŭ žančynu vinavataj u kradziažy i pryznačyŭ joj pakarańnie ŭ vyhladzie štrafu ŭ pamiery 30 bazavych vieličyń (1260 rubloŭ). Taksama joj daviadziecca vypłacić paciarpiełaj maralnuju škodu ŭ pamiery 200 rubloŭ i prajści lačeńnie ad ałkahalizmu, — prakamientavała prysud suda staršy pamočnik prakurora horada Homiela Lilija Ciarochina.
Kamientary