«Mohuć pajści i znajści inšaha łocha!» Tramp pieraściaroh BRIKS ad sprobaŭ uvieści ŭłasnuju valutu
Na svajoj staroncy ŭ sacsietcy Truth abrany prezident ZŠA Donald Tramp pryhraziŭ dziaržavam, jakija ŭvachodziać u arhanizacyju BRIKS, uviadzieńniem «100% pošlin» za sproby admovy ŭ raźlikach ad amierykanskaha dalara.
«Sproby taho, što krainy BRIKS sprabujuć adyści ad dalara, pakul my staim i nazirajem, skončanyja! My patrabujem ad hetych krain abaviazacielstvaŭ nie stvarać novuju valutu BRIKS i nie padtrymlivać nijakuju inšuju valutu, kab zamianić mahutny dalar ZŠA, inakš jany sutyknucca sa 100%-mi pošlinami i pavinny buduć raźvitacca z prodažami ŭ vydatnuju ekanomiku ZŠA. Jany mohuć pajści i znajści inšaha łocha!
Niama nijakich šancaŭ, što BRIKS zamienić dalar ZŠA ŭ mižnarodnym handli, i lubaja kraina, jakaja pasprabuje heta zrabić, pavinna pamachać Amierycy ručkaj», — napisaŭ Tramp.
Najbolšym prychilnikam idei stvareńnia ahulnaj valuty BRIKS źjaŭlajecca Rasija, jakaja paśla pačatku poŭnamaštabnaj vajny suprać Ukrainy apynułasia pad mocnymi mižnarodnymi sankcyjami. Prezident Rasii Uładzimir Pucin nieadnarazova stanoŭča vykazvaŭsia pra mahčymaść stvareńnia ahulnaj valuty BRIKS i novaj sistemy mižnarodnych raźlikaŭ, alternatyŭnaj SWIFT, «dziela efiektyŭnaj baraćby z dalaram i lepšaha paźbiahańnia finansavych abmiežavańniaŭ z boku Zachadu».
Na apošnim samicie arhanizacyi, jaki adbyŭsia ŭ kancy kastryčnika ŭ Kazani Pucin adznačyŭ, što Rasija «vymušana šukać alternatyvu dalaru, bo sam Zachad abmiažoŭvaje jaho vykarystańnie dla Maskvy». Na hetym samicie taksama było pradstaŭleny navat pratatyp banknoty dla hetaj valuty, jaki, praŭda, vonkava vyhladaje jak vielmi «syry».
Paśla artykuła «Našaj Nivy» stvaralniki banknoty BRIKS razmyli jaje vyjavu. Ale pamyłki ŭsio roŭna bačnyja
Pucinu ekskluziŭna pakazali pratatyp valuty BRIKS, «jakaja abrynie dalar». My adšukali aryhinał banknoty, jość dziŭnaści sa ściaham Biełarusi
Što praduhledžvaje mirny płan budučaha śpiecpradstaŭnika Trampa pa Ukrainie
Tramp źbirajecca ŭvieści nadzvyčajnaje stanovišča, kab departavać usich nielehałaŭ z ZŠA
Kiepski mir ci zaciažnaja vajna. Jak Ukraina rychtujecca da taho, što Tramp pasprabuje adrazu pasadzić jaje za stoł pieramovaŭ
Syn Trampa nazvaŭ idyjotami tych, chto daŭ dazvoł na dalnabojnyja ŭdary pa Rasii
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary