KDB 24 kastryčnika ŭnios u śpis «terarystaŭ» 24 čałavieki. U śpis trapili 20 fihurantaŭ spravy «analitykaŭ Cichanoŭskaj», jakich raniej zavočna asudzili ad 10 da 20 hadoŭ kałonii, piša «Pozirk».
Siarod ich staršy palityčny daradca Śviatłany Cichanoŭskaj Alaksandr Dabravolski, jaje pres-sakratar Hanna Krasulina, śpiecpradstaŭnik u pytańniach vybaraŭ Alaksandr Šłyk, daradca ŭ pytańniach dypłamatyi Dzianis Kučynski, palitołah, fiłosaf, były akademičny dyrektar Instytuta stratehičnych daśledavańniaŭ BISS Piotra Rudkoŭski, palityk Pavieł Usaŭ, dyrektar «Biełaruskaj inicyjatyvy» Chatham House Ryhor Astapienia, sacyjołah Filip Bikanaŭ, ahladalnik «Radyjo Svaboda» Juryj Drakachrust, dyrektar Instytuta «Palityčnaja śfiera» Andrej Kazakievič, daśledčyca Vieranika Łapućka, prahramny dyrektar «Volnaha Biełaruskaha ŭniviersiteta» Alaksandr Łahviniec, žurnalistka Hanna Lubakova, palitołahi Maryja Rohava, Kaciaryna Šmacina i Alesia Rudnik, ekśpiert prajekta SYMPA/BIPART Natalla Rabava, navukovy supracoŭnik Haradskoha ŭniviersiteta Mančestera i Vilenskaha ŭniviersiteta palitołah Taćciana Čulickaja, Jaŭhien Kryžanoŭski i Vasil Navumaŭ.
Taksama ŭ pieralik uniesieny palitviaźni: Andrej Ślizievič, asudžanyja Alaksandr Załatarevič, Vital Saŭko i Ludmiła Dajnieka. Na jaki termin pazbaŭleńnia voli asudzili biełarusaŭ, nieviadoma.
U śpis «terarystaŭ» uklučyli 25-hadovuju aktyvistku z Rečycy i dziaŭčynu pamierłaha ŭ Kijevie aktyvista Vitala Šyšova Baženu Žołudź, zavočna prysudžanuju da piaci hadoŭ pazbaŭleńnia voli ŭ kałonii va ŭmovach ahulnaha režymu.
-
Pajezdka ŭ aeraport — ad 90 da 150 rubloŭ. Biełaruski kankurent «Jandeks-taksi» ahučyŭ taryfy
-
Žonka biełarusa, jaki emihravaŭ u Ispaniju ź siamjoj i zastaŭsia tam adzin, raskazała, čamu ŭ Baranavičach lepš, čym u Barsiełonie
-
Biełaruskija turysty pryjechali na mora ŭ AAE, ale miascovyja plažy akazalisia ŭ mazucie
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ22
Kamientary