Jeŭropa zastajecca krynicaj pavyšanaj niebiaśpieki dla čałaviectva — namieśnik ministra zamiežnych spraŭ
Juryj Ambrazievič pierakanany, što jeŭrapiejskija dziaržavy praciahvajuć uvodzić novyja abmiežavańni ŭ dačynieńni da Biełarusi i inšych krain, paharšajučy tym samym hieapalityčnuju situacyju ŭ rehijonie.
«Dziejańni niekatorych jeŭrapiejskich krain malujuć karcinu novaj žaleznaj zasłony», — zajaviŭ namieśnik ministra zamiežnych spraŭ Biełarusi Juryj Ambrazievič, vystupajučy na rehijanalnym forumie JEEK AAN pa ŭstojlivym raźvićci ŭ ramkach siehmienta vysokaha ŭzroŭniu, piša «Sputnik».
Dypłamat nahadaŭ pra toje, što Jeŭropa praciahvaje ŭvodzić abmiežavańni na transpartnyja pieravozki, zabarony na handal, vydaču viz, zakryvać punkty propusku na miažy, abmiažoŭvać bankaŭskija transakcyi i hetak dalej.
Ambrazievič taksama vykazaŭ mierkavańnie, što Zachodniaja Jeŭropa svaimi dziejańniami spravakavała hłabalny charčovy kryzis. Pryčynaj jamu stali rost koštaŭ na zbožža, a taksama sankcyi ŭ dačynieńni da biełaruskaha kaliju, dostupu da jakoha pazbaviŭsia šerah afrykanskich krain.
Namieśnik kiraŭnika MZS Biełarusi adznačyŭ, što 2023 hod staŭ rekordnym pa kolkaści rehijanalnych uzbrojenych kanfliktaŭ u śviecie za apošnija niekalki dziesiacihodździaŭ. Pavodle jaho słoŭ, Jeŭropa zastajecca arenaj hłabalnaha siłavoha supraćstajańnia, a taksama krynicaj pavyšanaj niebiaśpieki dla čałaviectva.
Dypłamat zajaviŭ, što ŭ Minsku «ćviaroza aceńvajuć abstanoŭku, jakaja składvajecca, i vybudoŭvajuć raźvićcio z aporaj na partnioraŭ-adnadumcaŭ».
«Mienavita takija padychody ŭ situacyi, kali suprać prostych biełaruskich ludziej i pradpryjemstvaŭ z boku bolšaści zachodnich dziaržaŭ prymianiajucca zabarony i abmiežavańni na handal, na pieravozki tavaraŭ, na pieramiaščeńnie ludziej, dazvalajuć vystajać i nie prosta vystajać, ale i ruchacca napierad», — skazaŭ Ambrazievič.
Biełaruski dypłamat taksama pierakanany, što Minsk inicyjatyŭna nie rabiŭ u dačynieńni da zachodnich krain anivodnaha niedružalubnaha kroku. I rastłumačyŭ, čamu respublika nie ŭvodziła takija miery.
«My nie robim hetaha tamu, jak razumiejem, što skaračeńnie pola dla supracoŭnictva niepaźbiežna viadzie da skaračeńnia mahčymaściaŭ dla ŭnutranaha raźvićcia. Dziŭna toje, što ŭrady zachodnich dziaržaŭ, mabyć, miarkujuć, što, pazbaŭlajučy svaich hramadzian mahčymaści supracoŭničać ź Biełaruśsiu, jany niasuć im karyść», — kanstatavaŭ namieśnik kiraŭnika biełaruskaha źniešniepalityčnaha viedamstva.
Jon dadaŭ, što ekanamičnyja vyniki Biełarusi ŭ 2023 hodzie demanstrujuć pravilna abrany palityčny kurs kiraŭnictva.
Za minuły hod ajčynnaja ekanomika vyrasła na 3,9% — u razy vyšej, čym u siarednim u Jeŭrasajuzie.
«U Biełarusi pierakananyja, što tolki zacikaŭlenaje supracoŭnictva, tolki abjadnańnie namahańniaŭ dazvolić nam zabiaśpiečyć hłabalny śviet i hłabalnaje ŭstojlivaje raźvićcio», — skazaŭ na zakančeńnie Ambrazievič.
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary
Začiem torhovať s ludojedom v Minskie?, nie v 100 tysiač let do našiej Ery živiom. V 21 viekie živiom. Chotia, minskij ludojed, kak i moskovskij, s udovolstvijem na sotni tri-čietyrie otkrutili by istoriju i vriemiena vzad. Oni i pytajutsia, nie tolko samim provaliťsia na 400 let nazad, no i sosiediej tuda žie zatianuť.