Prychilnika «Ajčyny ad Bresta da Sachalina» nie zarehistravali kandydatam u deputaty. Jon pajšoŭ abskardžvać, ale vynik čakany
59-hadovy trenier pa kikboksinhu Jaŭhien Dabratvorski tak i nie zdoleŭ prabicca chacia b u śpis kandydataŭ u deputaty Pałaty pradstaŭnikoŭ. Jon prynios podpisy ŭ svaju padtrymku, ale ich zaviarnuli. Dabratvorski nie zdaŭsia. Dniami Minskaja haradskaja vybarčaja kamisija razhladała jaho skarhu na admovu ŭ rehistracyi, ale vynik byŭ čakany. Nie — značyć, nie.
Dabratvorski — pradstaŭnik «ruskaha śvietu», u 2021 hodzie jon udzielničaŭ u mierapryjemstvie adyjoznaha prarasijskaha Nacyjanał-vyzvalenčaha ruchu ŭ Minsku. Svoj vystup skončyŭ łozunham «za Radzimu, za Stalina, za našu Ajčynu ad Bresta da Sachalina!»
Dabratvorski — stvaralnik Biełaruskaj fiederacyi kikboksinhu i tajskaha boksu. U 2017 abaraniaŭ svajho siabra, baciušku sa svastykaj Dźmitryja Burykina.
Razam z Dabratvorskim nie byli zarehistravanyja i inšyja pradstaŭniki «ruskaha śvietu».
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ16
Kamientary