Biełaruskija advakaty, raskidanyja pa śviecie, pavinšavali Maksima Znaka z dniom narodzinaŭ
Siońnia viadomamu advakatu Maksimu Znaku spoŭniłasia 42 hady. Užo treci dzień narodzinaŭ jon vymušany adznačać za kratami. Za svaju prafiesijnuju dziejnaść — jurydyčnuju dapamohu štabu Viktara Babaryki — Maksim Znak asudžany ŭładami da 10 hadoŭ źniavoleńnia. U dzień narodzinaŭ palitviaźnia kalehi pavinšavali jaho sa śviatam.
«Biełaruskaja asacyjacyja advakataŭ pravoŭ čałavieka razam ź inšymi kalehami, raskidanymi siońnia pa śviecie, vinšuje Maksima Znaka i vykazvaje svaju padtrymku. Ad usiaho serca zyčym mocy, viery ŭ spraviadlivaść i chutčejšaha viartańnia dadomu!
Maksim Znak, naš kaleha i vydatny advakat, palityčny viazień, siońnia adznačaje ŭžo treci svoj dzień naradžeńnia ŭ niavoli. Maksim niepravamierna pryciahnuty da kryminalnaj adkaznaści pa art. 357 častka 1, art. 361-1 častka 1, art. 361 častka 3 KK z ahulnym pakarańniem 10 hadoŭ pazbaŭleńnia voli», — napisali kalehi.
Advakaty pračytali na videa apaviadańnie Maksima «Heta My» ź jaho knihi «Zekamieron», jakuju jon napisaŭ u źniavoleńni.
Ab Maksimie ŭžo 207 dzion niama nijakaj infarmacyi, kanstatujuć kalehi.
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary