Navošta rabić šmat maleńkich blincoŭ, kali možna vypiakać usio ciesta razam i prosta narezać blin na kavałki? Napeŭna, tak dumali finy, kali skłali recept hetaj dziŭnaj, ale smačnaj stravy. Palicie blin pa-finsku vareńniem ci śmiatanaj, zrabicie kubak kavy i ciešciesia.
Fota: BBC Food
Kab zhatavać blin pa-finsku, vam treba:
- 150 hramaŭ muki
- 1 čajnaja łyžka razrychlalniku
- 2 stałovyja łyžki cukru
- drobka soli
- 4 jajki
- 600 mililitraŭ małaka
- 25 hramaŭ rastoplenaha masła
- Dla padačy: cukrovaja pudra, džem, uźbityja viarški ci śmiatana
- Pakładzicie ŭ vialikuju misku muku, razrychlalnik, cukar i sol. Zrabicie pahłybleńnie ŭ centry i ŭbicie tudy jajki. Kałatoŭkaj pastupova źmiašajcie muku i jajki, pakul u vas nie stanie hustoje ciesta. Potym pamału ŭlivajcie ŭ jaho małako i adnačasova pieramiešvajcie ciesta, pakul u vas nie stanie adnarodnaja sumieś.
- Pastaŭcie ciesta jak minimum na paŭhadziny, kab jano kryšku zahuścieła.
- Za 10 chvilin da taho, jak pačniecie hatavać blin, razahrejcie duchoŭku ci aerahryl da 200 hradusaŭ.
- Padrychtujcie blachu abo formu dla vypiakańnia, vyšmarujcie jaje rastoplenym masłam i ŭlicie tudy ciesta. Vypiakajcie blin prykładna 30 chvilin. Strava budzie hatovaj, kali blin dobra padymiecca i pačnie rabicca załacista-karyčnievym.
- Pierad padačaj pasypcie blin cukrovaj pudraj, razrežcie jaho na doli i palicie tym, z čym vy lubicie jeści bliny.
Recept na vychadnyja. Jabłyčna-hrušavy krambł — sakavity vosieński desiert
Recept na vychadnyja. Jabłyčny piroh z kroškaj — prosty i smačny
Recept na vychadnyja. Pudynh Jevy — 200-hadovaja brytanskaja strava
Ciapier čytajuć
«Jany čamuści dumajuć, što ich zaraz zhvałciać». Prapahanda kinułasia tušyć abureńnie biełarusaŭ 150 tysiačami pakistancaŭ18
Kamientary
a! zrazumieła.
heta sialanskaja ježa. kali času niama vypiakać hetyja ŭsie tonkija ažurnyja blinčyki...
źmiašaŭ, vyvaliŭ usio u blachu abo formu dla vypiakańnia, vyšmaravaŭšy jaje rastoplenym masłam i ŭsio. hatova. smačna jeści