Pamiatajecie fiermiera Hanceviča, jakoha TB pakazała asudžanym za narkotyki? Akazvajecca, televizijščyki pamylilisia z kadrami
Homielski fiermier na voli, a nijakaha suda nie było.
Juryja Hanceviča, jaki ŭdzielničaŭ u prezidenckich vybarach 2020 hoda, teleradyjokampanija «Homiel» pakazała ŭ siužecie za 10 maja pra sud za raspaŭsiudžvańnie psichatropaŭ.
Ź videa vynikała, što mužčynu abvinavacili ŭ pracy na internet-kramu narkotykaŭ z krasavika 2020-ha pa žnivień 2021-ha hoda. Nibyta jon atrymoŭvaŭ tavar u Rasii, fasavaŭ i rabiŭ zakładki ŭ Homielskaj vobłaści. Pavodle śledstva, abvinavačany paśpieŭ pradać psichatropy jak minimum siami pakupnikam i zarabiŭ kala 160 tysiač rubloŭ.
Paźniej akazałasia, što heta «techničnaja pamyłka». Asudžany byŭ zusim inšy čałaviek, a dziaržTB prosta vykarystała archiŭnyja kadry z Hancevičam.
«Było pakazanaje miesca dla abvinavačanaha, dzie znachodziŭsia hramadzianin, jaki nie maje dačynieńnia da vyšejzhadanaha złačynstva», — patłumačyła TB.
Fiermier na voli.
«Abhavaryli mianie. Napisaŭ na ŭsich zajavy, u tym liku i na Homielskaje telebačańnie», — raskazaŭ jon «Jeŭraradyjo».
Ciapier čytajuć
Sotni rubloŭ, kab efiektna daviedacca poł budučaha dziciaci: biełarusy robiać usio bolš maštabnyja hiendar-paci3
Kamientary