Štab Cichanoŭskaj: Siem čałaviek z kamandy zatrymanyja, adzin nie vychodzić na suviaź
Siem čałaviek sa štaba Śviatłany Cichanoŭskaj byli zatrymanyja ŭčora ci siońnia. Niekatorym ź ich dali «sutki», što vystaŭlajuć astatnim — pakul nieviadoma, piša Tut.by
Jak paviedamiła pres-sakratar kandydata Hanna Krasulina, na ranicu 9 žniŭnia, zatrymanyja: načalnik štaba, davieranaja asoba Maryja Maroz, davieranyja asoby kandydata Aleh Majsiejeŭ, Taćciana Kanieŭskaja, Juryj Ułasaŭ, Andrej Smalančuk atrymaŭ 15 sutak, davieranaja asoba ŭ Hrodnie Dźmitryj Cit nie vychodzić na suviaź, davieranaja asoba ŭ Hrodnie Pavieł Mielkoŭski byŭ asudžany na 5 sutak, jaho mašyna sa 100 tysiačami ŭlotak kanfiskavanaja. Zatrymanaha ŭčora siabra kamandy Antona Stašeŭskaha pieraviali ŭ Śledčy kamitet.
- Na žal, pra mnohich ź ich my nie možam atrymać dalejšuju infarmacyju — dzie jany znachodziacca, što im pradjaŭlena i t. p., — adznačyli ŭ štabie.
Kamientary