Pry Trampie kolkaść zamiežnych turystaŭ u ZŠA ŭpała na 12%
Pry administracyi prezidenta ZŠA Donalda Trampa kolkaść zamiežnych turystaŭ u Złučanych Štatach prykmietna skaraciłasia: pavodle danych Washington Post, u minułym miesiacy jana ŭpała amal na 12% u paraŭnańni z anałahičnym pieryjadam minułaha hoda.
Fota: Walter Bibikov / Getty Images
Asabliva dramatyčnaja situacyja z Hiermanijaj: u sakaviku kolkaść niamieckich turystaŭ skaraciłasia na 28 pracentaŭ, piša Bild.
Heta pieršaje značnaje skaračeńnie turystyčnaha patoku paśla pandemii COVID-19. U lutym źnižeńnie składała ŭsiaho 2%. Ekśpierty papiaredžvajuć: kali tendencyja zachavajecca, turystyčnaja industryja ZŠA moža panieści straty na miljardy dołaraŭ.
U sakaviku kolkaść turystaŭ z Zachodniaj Jeŭropy źmienšyłasia na 17%, z Centralnaj Amieryki — na 24%, z Kitaja — na 11%.
Pryčynaj spadu nazyvajuć aściarohi nakont prablem na miažy. Niekalki zamiežnych turystaŭ užo byli zatrymanyja pry ŭjeździe ŭ krainu, niahledziačy na najaŭnaść usich nieabchodnych dakumientaŭ. Niekatoryja ź ich praviali dni ci navat tydni ŭ ustanovach dla departacyi.