U Daniecku rasijski vajskoviec spjanu rasstralaŭ čatyroch sasłužyŭcaŭ
Uviečary 4 krasavika ŭ Daniecku rasijski sałdat zastreliŭ troch vajskoŭcaŭ 120-j artyleryjskaj bryhady (v/č 59361, Juhra), jašče adzin atrymaŭ ahniastrelnyja ranieńni, piša telehram-kanał «Dośje špiona».
Fota ilustracyjnaje
Ustanoŭlena, što ŭ 17:00 4 krasavika rasijski šarahoviec z hetaj samaj bryhady Alaksandr Dziejeŭ, budučy mocna pjanym, biez bačnaj pryčyny adkryŭ ahoń pa čatyroch sasłužyŭcach. Troje ź ich — praparščyk, jafrejtar i šarahoviec, — zahinuli na miescy, jašče adzin atrymaŭ ahniastrelnyja ranieńni.
Zabojca ź miesca zdareńnia ŭciok, ale paśla jaho złavili, padčas zatrymańnia paraniŭšy ŭ šyju.
Čytajcie taksama:
Na vajnie va Ukrainie rasijski vajskoviec zastreliŭ 10 śpiačych sasłužyŭcaŭ
Kantraktnik u Biełharadskaj vobłaści Rasii zastreliŭ troch tavaryšaŭ i ŭciok sa zbrojaj