Kolkaść zahinułych ad rasijskaha ŭdaru ŭ Sumach vyrasła da 34
Bolš za sotniu paciarpiełych.
Ranicaj Vierbnaj niadzieli, 13 krasavika, rasijanie ŭdaryli dźviuma balistyčnymi rakietami pa centry Sum. Pa abnoŭlenaj infarmacyi ad Dziaržaŭnaj słužby pa nadzvyčajnych situacyjach Ukrainy, u vyniku ŭdaru zahinuli 34 čałavieki.
Taksama viadoma pra 117 paciarpiełych, uklučajučy 15 dziaciej.
«Varožyja rakiety ŭdaryli pa zvyčajnaj haradskoj vulicy, pa zvyčajnym žyćci: damy, adukacyjnyja ŭstanovy, mašyny na vulicy… i heta ŭ dzień, kali ludzi iduć da cerkvaŭ: Vierbnica, śviata ŭvachodu Haspodniaha ŭ Ijerusalim», — napisaŭ prezident Ukrainy Uładzimir Zialenski.
Premjer-ministr Vialikabrytanii Kir Starmier asudziŭ udar. Śpiecpradstaŭnik prezidenta ZŠA pa Ukrainie Kit Kiełoh zajaviŭ, što rasijskaja ataka na cyvilnyja celi ŭ Sumach pierachodzić miažu prymalnaha.