Ukraina ŭviała sankcyi suprać śvietłahorskaha «Chimvałakna»
18 krasavika prezident Ukrainy Uładzimir Zialenski padpisaŭ dva ŭkazy ab uviadzieńni nacyjanalnych sankcyj, raniej zaćvierdžanych Radaj nacyjanalnaj biaśpieki i abarony Ukrainy. U novym sankcyjnym śpisie pieravažna rasijskija fizičnyja i jurydyčnyja asoby, ale trapiła tudy i adno biełaruskaje pradpryjemstva.
Zhodna z adnym z ukazaŭ, sankcyi ŭvodziacca suprać biełaruskaha AAT «Śvietłahorsk-Chimvałakno». Abmiežavańni praduhledžvajuć zamarožvańnie aktyvaŭ, zabaronu na handlovyja apieracyi, prypynieńnie licenzij, zabaronu na ŭdzieł u dziaržaŭnych zakupkach i h. d.
«Śvietłahorsk-Chimvałakno» jašče ŭ vieraśni 2022 hoda trapiła pad amierykanskija sankcyi, pakolki, na dumku Ministerstva finansaŭ ZŠA, jano «zabiaśpiečvaje krytyčna važny materyjał dla abaronnaj pramysłovaści Rasii».
Akramia taho, pad sankcyi trapili 56 rasijskich jurydyčnych asob i try kitajskija kampanii. Taksama pad sankcyi trapili 39 hramadzian Rasii, pieradusim viadomyja dziejačy kultury.
Čytajcie taksama:
Jeŭrasajuz adkłaŭ zabaronu impartu rasijskaha zvadkavanaha hazu
Tramp praciahnuŭ na hod zakryćcio partoŭ ZŠA dla rasijskich sudnaŭ
Ukraina ŭviała sankcyi suprać dźviuch praŭładnych arhanizacyj i adnoj prapahandystki