U Biełaruś sprabavali ŭvieźci darahi «Miersedes» z padroblenymi numarami

Bresckija mytniki zatrymali premijalnaje aŭto, jakoje sprabavali zavieźci ŭ Biełaruś ź Jeŭrasajuza pa padroblenych dakumientach. Jak paviedamili ŭ Dziaržaŭnym mytnym kamitecie, na punkcie propusku «Brest» mytniki spynili sprobu niezakonnaha ŭvozu aŭtamabila Mercedes-Benz 2019 hoda vypusku koštam kala 160 tysiač rubloŭ.

26-hadovaja hramadzianka Biełarusi, jakaja viartałasia z Polščy, padała mytnikam techpašpart sa źviestkami ab rehistracyi mašyny ŭ Rasii, adnak pravierka pakazała: dakumienty padroblenyja.

Vyśvietliłasia, što rehistracyjnyja znaki, što stajali na Mercedes, aficyjna naležali zusim inšamu aŭtamabilu. Dziaŭčyna patłumačyła, što za hrošy pahadziłasia pieravieźci mašynu ŭ Biełaruś, ale nie viedała pra jeŭrapiejskuju rehistracyju transpartnaha srodku.

U vyniku bresckaja mytnia raspačała administracyjnuju spravu pavodle častki 2 artykuła 15.1 KaAP Respubliki Biełaruś. Parušalnicy pahražaje štraf da 30 bazavych vieličyń (1260 rubloŭ), a sam aŭtamabil moža być kanfiskavany.

Kamientary da artykuła