Tramp zajaviŭ pra hatoŭnaść sustrecca ź Si Czińpinam: «Jon moj siabra»
Prezident ZŠA Donald Tramp zajaviŭ pra hatoŭnaść sustrecca z kiraŭnikom Kitaja Si Czińpinam dla ŭrehulavańnia eskałacyi ŭ handlovaj vajnie pamiž dźviuma krainami i nazvaŭ kitajskaha lidara «siabram», pra heta jon zajaviŭ u sieradu ŭ Biełym domie.
Donald Tramp i Si Czińpin padčas samita G20 u Osacy ŭ červieni 2019 hoda. Fota: Susan Walsh / AP
U adkaz na pytańnie, ci razhladaje jon mahčymaść telefonnaj razmovy abo sustrečy z kitajskim lidaram: «O, viadoma, jon moj siabra. Jon mnie padabajecca. Tak, ja b sustreŭsia ź im».
Zajava Trampa prahučała na fonie ŭzajemnych krokaŭ ZŠA i Kitaja, jakija na praciahu apošnich dzion abviaščali pra ŭviadzieńnie novych taryfaŭ u adkaz na dziejańni adzin adnaho.
Tramp skazaŭ žurnalistam, što chacieŭ by zaklučyć damovy ź inšymi krainami, kab «zrabić dobra» dla ZŠA. Pavodle jaho słoŭ, bolšaść ź ich taksama hetaha chočuć.
Napiaredadni Tramp zajaviŭ, što rasparadziŭsia pavysić taryfy suprać Kitaja da 125%, «kampiensujučy niepavahu, jakuju Kitaj prademanstravaŭ da suśvietnych rynkaŭ».
Čytajcie taksama:
Tramp padymaje myty suprać Kitaja da 125%, prypyniaje ich suprać inšych krain
Krainy Jeŭrasajuza ŭzhadnili pieršuju chvalu novych taryfaŭ na impart z ZŠA