Microsoft abahnała Apple ŭ śpisie samych darahich kampanij śvietu
Pa vynikach biržavych tarhoŭ za 7 krasavika kapitalizacyja Apple źmienšyłasia da $2,59 trłn. Za dzień da hetaha jana skłała $2,73 trłn, piša Forbes.
Fota: Matthias Balk/picture alliance via Getty Images
Pa vynikach tarhoŭ akcyi Apple patańnieli na 5%, Microsoft — tolki na 0,9%. Z pačatku krasavika kaštoŭnyja papiery» jabłyčnaj « kampanii stracili ŭ košcie 22%, jaje kapitalizacyja skaraciłasia na $750 młrd. Pry hetym košt Microsoft upaŭ tolki da $2,64 trłn.
Raniej jana składała $2,66 trłn. Rasprodaž kaštoŭnych papier na fondavych rynkach praciahvajecca ź minułaha tydnia na fonie uviedzienych ZŠA pošlin na impart tavaraŭ.
Užo na nastupny dzień paśla abviaščeńnia taryfaŭ indeks S & P 500 upaŭ na 4,8%, što stała samym vialikim padzieńniem z červienia 2020 hoda. A indeks Hang Seng ŭ Hankonhu straciŭ adrazu 13,2%.