Bieły dom nie padtrymlivaje ideju Pucina ab uviadzieńni źniešniaha kiravańnia va Ukrainie

Pucin prapanavaŭ pieradać Ukrainu pad časovy kantrol AAN da abrańnia «dziejazdolnaha» ŭrada i tolki paśla taho abmiarkoŭvać mirnuju damovu. Adnak hetaja ideja, jakaja supiarečyć ukrainskamu zakanadaŭstvu, nie znajšła padtrymki ŭ amierykanskaj administracyi.

Bieły dom. Fota: Getty Image

Ułada va Ukrainie vyznačajecca jaje Kanstytucyjaj i ŭkrainskim narodam — tak u Biełym domie adreahavali na słovy Uładzimira Pucina pra toje, što ŭ krainie, suprać jakoj jon viadzie vajnu, možna ŭvieści źniešniaje kiravańnie pad ehidaj AAN. Kamientary z ZŠA pryvodzić ahienctva Reuters, jakoje spasyłajecca na nienazvanaha pradstaŭnika Rady nacyjanalnaj biaśpieki.

Svaje zajavy pa Ukrainie Pucin zrabiŭ pozna ŭviečary 27 sakavika padčas razmovy z marakami padvodnaj łodki «Archanhielsk». Jon siarod inšaha pryvioŭ prykłady situacyj, kali ŭvodziłasia źniešniaje kiravańnie, uspomniŭšy pra raspad Juhasłavii, Uschodni Tymor i Papua-Novuju Hvinieju.

Prapanovu Pucina raniej čakana raskrytykavali va Ukrainie i Jeŭrasajuzie.

Kamientary da artykuła