Alaksiej Protas aformiŭ siomy biełaruski chiet-tryk u NCHŁ
U ramkach rehularnaha čempijanatu Nacyjanalnaj chakiejnaj lihi (NCHŁ) «Vašynhton Kepitałz» pieramoh «Anachajm Daks» ź likam 7:4. 24-hadovy biełaruski forvard «Kepitałz» Alaksiej Protas zakinuŭ try šajby ŭ hetym matčy.
Alaksiej Protas. Fota: x.com/Capitals
Alaksiej zhulaŭ na pravym fłanzie źviana. Jaho partniorami pa trojcy stali Pjer-Luk Dziubua i Konar Makmajkł, piša «Biełaruski chakiej».
Takim čynam, Protas aformiŭ siomy biełaruski chiet-tryk u historyi NCHŁ.
Raniej pa try šajby za matč zakidvali dvojčy Andrej Kaścicyn i Jahor Šaranhovič, a taksama Siarhiej Kaścicyn i Michaił Hraboŭski.
U hetym siezonie na rachunku Protasa: 65 hulniaŭ, 58 bałaŭ(28 šajb + 30 pieradač), karysnaść: +39, 18 chvilin štrafu.
«Vašynhton» zajmaje 1-je miesca ŭ tablicy Uschodniaj kanfierencyi.