Ad siońnia ŭ biełaruskich kinateatrach pačynajecca pakaz «Čornaha zamka» pa Karatkieviču

U stalicy možna pahladzieć karcinu praktyčna va ŭsich kinateatrach horada.

kinopoisk.ru

U čaćvier, 12 śniežnia, u kinateatrach Biełarusi pačynajecca premjerny pakaz stužki «Čorny zamak», źniataj pa matyvach amal adnajmiennaha ramana biełaruskaha piśmieńnika Uładzimira Karatkieviča, piša Tochka.by.

Sumiesny prajekt kinastudyi «Biełaruśfilm» i rasijskaj kampanii «Ńju Art Siniema Pradakšn» nazyvajuć samaj čakanaj karcinaj hoda dla biełarusaŭ.

Upieršyniu abmiežavany pakaz adbyŭsia 2 listapada na Minskim mižnarodnym kinafiestyvali «Listapad». Film pakazali ŭ abnoŭlenym kinateatry «Pieramoha» na cyrymonii adkryćcia mierapryjemstva.

Acanić hetuju pracu ŭsie achvotnyja zmohuć va ŭtulnych załach i na vialikim ekranie až da kanca hoda — u prakacie stužku buduć demanstravać da 25 śniežnia.

Kamientary da artykuła