Азаронак: Не хачу адчуваць сябе хутаранінам у вышыванцы
«Я хачу быць суайчыннікам Пушкіна, Дастаеўскага, Лермантава, Гогаля».
Рыгор Азаронак. Скрыншот з відэа
У Маскве на форуме «Еўразія — тэрыторыя традыцыйных каштоўнасцяў» 10 красавіка выступаў прапагандыст Рыгор Азаронак. Ён хваліў саюз з Расіяй.
«Расія — гэта гарант развіцця і суверэнітэту тых, хто з ёй сябруе», — запэўніваў ён.
Рыгор Азаронак нагадаў, што руская мова ў Беларусі — дзяржаўная, як і беларуская.
«Часта Аляксандр Рыгоравіч кажа, што, напрыклад, тая ж руская мова — наша руская мова.
Я не хачу адчуваць сябе хутаранінам з каструляй на галаве ў вышыванцы і быць гэтым вельмі моцна шчаслівым. Я хачу быць суайчыннікам Пушкіна, Дастаеўскага, Лермантава, Гогаля»,
— прамовіў прапагандыст.
Галоўнай рэдактарцы RT Маргарыце Сіманьян, якая была мадэратарам той панэлі, Азаронак перадаў у падарунак кнігу пра Лукашэнку «Наш прэзідэнт». Яе напісалі былы памочнік Лукашэнкі, былы старшыня «Белай Русі» Аляксандр Радзькоў, прэс-сакратарка Лукашэнкі Наталля Эйсмант, былы міністр інфармацыі, намеснік кіраўніка Адміністрацыі Лукашэнкі Уладзімір Пярцоў, былы міністр інфармацыі, старшыня Саюза пісьменнікаў Аляксандр Карлюкевіч.
Чытайце таксама:
У дзень свайго 60-годдзя памёр прапагандыст Юрый Азаронак
Азаронак, Гігін і Лушч прыехалі ў акупаваны Мелітопаль
Азаронак расказаў, як чалавека, які штурхануў яго маці-кандуктарку ў аўтобусе, адправілі ў ізалятар